મુઝફ્ફરપુર : જિલ્લાના સાહેબગંજના હુસપુર ગામમાં ચોરીના આરોપમાં ત્રણ માસૂમ બાળકોને હેવાનોએ ક્રૂરતાથી માર માર્યો હતો. જેમાં બાળકોને થાંભલા સાથે બાંધી દીધા હતા અને કલાકો સુધી માર મારવામાં આવ્યો હતો. હવે આ માર મારવાનો વીડિયો વાયરલ થયો હતો.
વીડિયો વાયરલ થયા બાદ પીડિત બાળકના પિતા બાલદેવ રાયે ગામના 6 લોકો વિરૂદ્ધ સાહેબગંજ પોલીસ મથકમાં એફઆઈઆર નોંધાવી છે. જેની નોંધ લઇ પોલીસે આ કેસની તપાસ શરૂ કરી છે. આ ઘટના વિશે જણાવવામાં આવી રહ્યું છે કે, ચોરીના આરોપમાં માસૂમ બાળકોને થાંભલા સાથે બાંધીને માર મારવામાં આવ્યો હતો.
માર માર્યા પછી પણ આ ક્રૂર લોકોએ બાળકોને સિગારેટ અને મીણબત્તીઓથી પણ ડામ દેવાયા હતાં. બાદમાં ગામ લોકોની જાજીજી પર આ બાળકોને હેવાનો પાસેથી છૂટા કરવામાં આવ્યાં હતા, ત્યારે હવે બાળકોની તસવીર વાયરલ થયા બાદ સ્થાનિક પ્રશાસને પણ આ કેસની તપાસ શરૂ કરી દીધી છે.
