અમરાવતીઃ દેશવ્યાપી લોકડાઉન પછી સરકારે 8 જુને તિરુમાલા મંદિર ખોલવાની મંજૂરી આપી છે, પરંતુ ભગવાનના દર્શન કરવાની સાથે જ શ્રદ્ધાળુઓને કેટલીક શરતોનું પાલન કરવું પડશે. એક કલાકમાં ફ્કત 300 શ્રદ્ધાળુઓ જ દર્શન કરી શકશે.
મંદિર પ્રતિબંધન સમિતિએ કોરોના સંક્રમમને ધ્યાને રાખી દિશાનિર્દેશ જાહેર કરી છે, જેને સ્વાસ્થય વિભાગની મંજૂરી માટે મોકલી છે.
સરકારી દિશાનિર્દેશ મુજબ 8 જુનથી ખુલશે તિરુમાલા મંદિર
મંદિર મેનેજમેન્ટ દ્વારા આપેલી દિશા નિર્દેશો
* મંદિરની યાત્રાનો સમયગાળો કાર્યકારી અધિકારીઓ દ્વારા નક્કી થશે.
* જે પણ ભક્ત દર્શન કરવા માટે આવે છે, તે આધાર અથવા અન્ય કોઈ ઓળખ પત્ર સાથે રાખવાના રહેશે.
* ભક્તોની સંખ્યાના ફક્ત 30 ટકા લોકોને રાહુ-કેતુ પૂજનની મંજૂરી છે.
* હેર કટિંગ એરિયામાં નાઇએ સાવધાની રાખવાની રહેશે.
* પ્રસાદ વિતરણ નહીં કરવામાં આવે.
* ભક્તોને મંદિરના પુષ્કરિણી અને તળાવોમાં નહાવાની મંજૂરી નહિં આપવામાં આવે.
