પુલવામામાં મોસ્ટ વોન્ટેડ આતંકવાદી જાકીર મૂસાનું એનકાઉન્ટર, મૂસા પર 12 લાખનું હતું ઈનામ

ન્યુઝ ડેસ્કઃ પુલવામામાં ભારતીય સેનાએ મોટુ ઓપરેશન પાર પાડયુ છે. જેમાં અંસાર ગજવાત ઉલ હિંદના ચીફ જાકીર મૂસાનું સેના દ્વારા એનકાઉન્ટર કરવામાં આવ્યુ છે. સુરક્ષા એજન્સીઓ લાંબા સમયથી તેને શોધી રહી હતી, તેના પર 12 લાખનું ઈનામ પણ જાહેર કરાયુ હતું.

દક્ષિણ ભારતના ત્રાલ વિસ્તારના પુલવામામાં ભારતીય સેનાએ આતંકી જાકીર મૂસાને પતાવી દીધો છે. જે જગ્યાએ આંતકવાદી હિજબુલ કમાંડરને મારવામાં આવ્યો હતો એ જ જગ્યાએ મૂસાને મારવામાં આવ્યો છે. હાલમાં જ આતંકવાદીઓની સ્મશાનયાત્રામાં પણ જાકીર મૂસાના નામના નારા લાગ્યા હતા.

બુરહાનના મોત પછી જાકીર જમ્મુ- કાશ્મીરમાં નવો પોસ્ટર બોય બની ગયો હતો. તેની ભાળ આપનારને સુરક્ષા એજન્સીઓએ 12 લાખ ઈનામ આપવાની જાહેરાત કરી હતી. છેલ્લે તે પંજાબમાં દેખાયો હતો. તેણે પોતાના સાથી રેહાન સાતે જમ્મુ-કાશ્મીર અને પંજાબ પોલીસ પર હુમલો કરવાનું કાવતરુ રચ્યુ હતું.

2013 ચંદીગઢની એક એન્જિનિયરિંગ કોલેજમાં અડધો અભ્યાસ છોડી તે આતંકવાદી બની ગયો હતો. 2017માં તે હિઝબુલ મુઝાહિદ્દીનમાં સામેલ થયો હતો. પછી તેણે આ સંગઠન છોડી પોતાનું અલગ સંગઠન બનાવ્યુ હતું. જેનું નામ અંસાર ગજવાત ઉલ હિંદ આપ્યુ હતું. 2017માં તેનો એક વીડિયો પણ જાહેર થયો હતો તેમા તે હથિયાર સાથે દેખાયો હતો. તેમજ અન્ય એક ઓડિયોમાં તે કાશ્મીરી યુવાનોને આંતકવાદી બનવા તેમજ બંદુક ઉઠાવવા માટે ઉશ્કેરી રહ્યો હતો.