કોંગ્રેસના અધ્યક્ષ પદ પરના નિર્ણય માટે CWCની બેઠક યોજવામાં આવી હતી. જેમાં અંતે રાહુલ ગાંધીનું રાજીનામાનો સ્વીકાર કરવામાં આવ્યો છે અને પાર્ટીના મહાસચિવ સોનિયા ગાંધીને વચગાળાના અધ્યક્ષ તરીકે નિમણુક કરવામાં આવી છે.
ઉલ્લેખનીય છે કે, આ મીટિંગમાં પાર્ટી મહાસચિવ સોનિયા ગાંધી, પૂર્વ વડાપ્રધાન ડૉ. મનમોહન સિંહ, પી. ચિદમ્બરમ સહિત પાર્ટીના નેતાઓ હાજર રહ્યા હતા. પરંતુ રાહુલ ગાંધી પાછળથી આ મીટિંગમાં જોડાયા હતા.
કોંગ્રેસ પાર્ટીએ મહત્વનો નિર્ણય લીધો છે. રાહુલ ગાંધીના રાજીનામાનો સ્વીકાર કર્યો છે અને પાર્ટી મહા સચિવ સોનિયા ગાંધીને પાર્ટીના અધ્યક્ષ તરીકે નિમણુક કરવામાં આવી છે.
મહત્વનું છે કે, CWCની બેઠક જ્યારથી શરૂ થઇ હતી ત્યારથી પાર્ટીના નેતાઓની એક જ માગ હતી કે, પાર્ટીના અધ્યક્ષ પદે ફરીથી રાહુલ ગાંધીની જ પસંદગી કરે. પરંતુ રાહુલ ગાંધીએ તેને નકાર્યું હતું.
