આંધ્રપ્રદેશના પૂર્વ ગોદાવરી જિલ્લામાં ગમખ્વાર અકસ્માત, 7 લોકોના મોત

આંધ્રપ્રદેશના પૂર્વ ગોદાવરી જિલ્લામાં વાન પલટી જતા ગમખ્વાર માર્ગ અકસ્માત સર્જાયો છે જેમાં 7 લોકોના મોત થયા છે. ઇસ્ટ ગોદાવરીના થાંટીકોંડા ઘાટ રોડ પર આવેલા વેંકટેશ્વરસ્વામી મંદિર પાસે લગ્નમાંથી આ વાન પરત ફરી રહી હતી ત્યારે તેની બ્રેક ફેઇલ થઇ જતા તે ખાઇ પરથી નીચે ખાબકી હતી.

• આંધ્રપ્રદેશના પૂર્વ ગોદાવરી જિલ્લામાં ગમખ્વાર માર્ગ અકસ્માત
• બ્રેક ફેઇલ થઇ જતા વાન પલટીને ખીણમાં ખાબકી

આંધ્રપ્રદેશ: શુક્રવારે વહેલી સવારે સાડા 3 વાગ્યાની આસપાસ આંધ્રપ્રદેશના પૂર્વ ગોદાવરી જિલ્લામાં આવેલા થાંટીકોંડા ઘાટ રોડ પર ગમખ્વાર અકસ્માત સર્જાયો હતો. જેમાં 7 લોકોના મોત થયા હતા. વેંકટેશ્વરસ્વામી મંદિર પાસે લગ્નમાં હાજરી આપીને એક વાન પરત ફરી રહી હતી ત્યારે બ્રેક ફેઇલ થઇ જતા તે પહાડ પરથી નીચે ખાબકી હતી. અકસ્માતમાં ઇજા પામેલા લોકોને સારવાર માટે રાજામુંદ્રી સરકારી હોસ્પિટલમાં ખસેડવામાં આવ્યા હતા. અકસ્માતમાં મૃત્યુ પામેલા લોકો ગોકાવરમ મંડલના ઠાકુરપાલેમના હતા.