શ્રીનગર: જમ્મુ-કાશ્મીરના બારામુલ્લાના સલોસા વિસ્તારમાં સેના અને આતંકીઓ વચ્ચે એન્કાઉન્ટર થયું હતું. જેમાં સેનાએ એક આતંકીને ઠાર માર્યો છે. ઉલ્લેખનીય છે કે, આ વિસ્તારમાં પાકિસ્તાન દ્વારા સીઝફાયરનું ઉલ્લંઘન કરવામાં આવ્યું છે.
જમ્મુ-કાશ્મીરના કઠુઆમાં પાકિસ્તાન દ્વારા યુદ્ધવિરામનું ઉલ્લંઘન કરવામાં આવ્યું છે. પાકિસ્તાની રેન્જર્સે કઠુઆ જિલ્લામાં આંતરરાષ્ટ્રીય સરહદ પર ફાયરિંગ કર્યું હતું અને મોર્ટારના શેલ છોડ્યા હતાં.
આ માહિતી સેનાના અધિકારીઓએ આપી હતી.
તેમણે જણાવ્યું કે, હિરાનગર સેક્ટરના કરોલ મથના વિસ્તારમાં સરહદ ચોકી પર યુદ્ધવિરામ ભંગની ઘટના બની હતી, ત્યારબાદ બોર્ડર સિક્યુરિટી ફોર્સે પાકિસ્તાની રેન્જર્સને યોગ્ય જવાબ આપ્યો હતો.
