નવી દિલ્હી: આવારા તત્વો દ્વારા હુમલામાં ઇજાગ્રસ્ત પત્રકાર વિક્રમ જોષીનું હોસ્પિટલમાં ચાલતી સારવાર દરમિયાન મોત નિપજ્યું છે. સોમવારે રાત્રે પત્રકાર પર ટીખરોએ હુમલો કર્યો હતો. આ સમગ્ર ઘટનાને પગલે SSPએ સ્થાનિક પોલીસ ચોકીના ઇન્ચાર્જને સસ્પેન્ડ કર્યા છે. ઇન્ચાર્જને પહેલાથી જાણકારી હતી કે, પત્રકાર પર હુમલો થવાનો છે, તેમ છતાં પણ પોલીસે કોઇ પગલા લીધા ન હતાં.
આ ઘટનાને પગલે પોલીસે કાર્યવાહી હાથ ધરતા 9 લોકોની ધરપકડ કરી છે. પકડાયેલા આરોપીઓમાંથી મુખ્ય આરોપીનું નામ રવી છે.
મળતી માહિતી મુજબ આરોપી રવી અને તેના સાથીઓએ ઘાત લગાવીને આ ઘટનાને અંજામ આપ્યો હતો. પત્રકાર પોતાની બહેનના ઘરેથી બાઇક પર નિકળ્યા હતા, ત્યારે બનાવેલા પ્લાનિંગ મુજબ ટીખરો રોડ પર જ બેઠા હતાં. પત્રકાર આવતાની સાથે જ તેને ચારેય તરફથી ધેરી લીધો હતો અને આ સમગ્ર ઘટનાને અંજામ આપ્યો હતો. જેમાં સારવાર દરમિયાન પત્રકારનું અંતે મોત નિપજ્યું હતું.
આ સમગ્ર ઘટનાને પગલે લોકોની પ્રતિક્રિયાઓ સામે આવી રહી છે, ત્યારે કોંગ્રેસ નેતા રાહુલ ગાંધીએ ટ્વીટ કરી ઉત્તર પ્રદેશ સરકાર પર આકરો પ્રહાર કરતા કહ્યું કે, ' વચન આપ્યું તું રામ રાજનું, આપ્યુ ગુંડારાજ'
આ ઉપરાંત પશ્ચિમ બંગાળના મુખ્ય પ્રધાને પણ ટ્વીટ કરતા કહ્યું કે,' એક પત્રકાર વિક્રમ જોષીના પરિવારને મારી પ્રત્યે સંવેદના છે. પોતાની ભત્રીજી સાથે થયેલી છેડછાડ કરનારોઓ પર FIR નોંધવવાને લઇને UPમાં ગોળી મારી હતી. દેશમાં ડરનો માહોલ ઉભો થયો છે. એ ચોંકાવનારી વાત છે કે મીડિયાને પણ છોડ્યુ નહીં.
આ ઘટનામાં બસપા પ્રમુખ માયાવતીએ ટ્વીટ કરી કહ્યું કે, ' UPમાં મહિલાઓ અસુરક્ષિત સહિત જે રીતે ગંભીર ગુનાઓ બની રહ્યાં છે તેનાથી સ્પષ્ટ થાય છે કે UPમાં કાયદાનું નહીં, પરંતુ જંગલરાજ ચાલી રહ્યું છે. UPમાં કોરોના વાઇરસથી વધુ ક્રાઇમ વાઇરસ વધી રહ્યો છે. સરકાર આ તરફ પણ થોડું ધ્યાન આપે.
