ચૂંટણી પંચના અધિકારીએ કહ્યું હતું કે, ત્રિપુરામાં 11 એપ્રિલે 168 મતદાન મથકો પર મતદાન પ્રભાવિત થયું હતું જેને લઈ હવે 12 મેના રોજ ફરી વખત ત્યાં મતદાન થશે.
અધિકારીએ વધુમાં જણાવ્યું હતું કે, ફરી વખત મતદાન માટે ત્યાં પહેલાથી કોઈ અઘટીત ઘટના ન ઘટે તે માટે ત્યાં અર્ધસૈનિકના જવાનો તૈનાત કરવામાં આવ્યા છે જે 11 એપ્રિલથી ત્યાં જ ફરજ પર છે.
આ માટે વિપક્ષી પાર્ટી કોંગ્રેસ તથા માર્ક્સવાદી કમ્યુનિસ્ટ પાર્ટીએ ભાજપ પર મતદાનમાં ઘાંઘલી, બૂથ કેપ્ચરિંગ, ધમકી તથા હિંસા કરવાને લઈ ફરી વખત મતદાન કરાવાની માંગ કરી હતી.
જો કે, સત્તાધારી પાર્ટી ભાજપે આ તમામ આરોપ ફગાવી દીધા હતા. તથા તેમના વિરુદ્ધ ષડયંત્ર રચાતુ હોવાનો આરોપ પણ લગાવ્યો હતો.
