એ પકડ્યો…સ્પાઈડરમેનની જેમ હવામાં કૂદકો મારી ખેલાડીએ પકડ્યો અદભૂત કેચ, જુઓ વિડીયો

ન્યૂઝીલેન્ડ અને શ્રીલંકા વચ્ચે રમાયેલી શ્રેણીની બીજી વનડે મેચમાં અકલ્પનીય કેચ જોવા મળ્યો હતો. વધુ આગળ વાંચો NZ Vs Sl 2nd ODI

હેમિલ્ટન: ક્રિકેટના મેદાન પર અવારનવાર આવા કેટલાક દ્રશ્યો જોવા મળે છે, જેને જોઈને દર્શકો દંગ રહી જાય છે. અમે તમને એવો જ એક વીડિયો બતાવવા જઈ રહ્યા છીએ, જેને જોયા પછી તમારા હોશ ચોક્કસથી ઉડી જશે. આ વીડિયો શ્રીલંકા અને ન્યુઝીલેન્ડની ક્રિકેટ ટીમો વચ્ચે રમાયેલી બીજી વનડે મેચનો છે. શ્રીલંકા જ્યારે બેટિંગ કરી રહી હતી ત્યારે ન્યુઝીલેન્ડના એક ખેલાડીએ એવો કેચ લીધો કે તમે પણ તેના વખાણ કર્યા વગર રહી શકશો નહીં. આને અત્યાર સુધીના સર્વશ્રેષ્ઠ કેચમાંથી એક કહેવામાં કોઈ નવાઈ નહીં લાગે.

NATHAN SMITH GRABS AN ABSOLUTE STUNNER. 🤯pic.twitter.com/wDknkRRFOV

— Mufaddal Vohra (@mufaddal_vohra) January 8, 2025

મેદાન પર ફિલ્ડર બન્યો સ્પાઇડરમેન:

શ્રીલંકાની ટીમ જ્યારે ન્યૂઝીલેન્ડ દ્વારા આપવામાં આવેલા લક્ષ્યનો પીછો કરી રહી હતી ત્યારે ન્યૂઝીલેન્ડના નાથન સ્મિથે એક એવો કેચ પકડ્યો હતો જેના દરેક લોકો વખાણ કરી રહ્યા છે. શ્રીલંકાની ઇનિંગ્સની 29મી ઓવર વિલ ઓ'રૉર્કે ફેંકી હતી. છેલ્લા બોલ પર ઈશાન મલિંગા સ્ટ્રાઈક પર હતો. વિલ ઓ'રોર્કે મલિંગા તરફ બોલ ફેંક્યો, જેણે બોલને ઝડપથી ફટકાર્યો. બોલ તેના બેટની કિનારી લઈને બાઉન્ડ્રી તરફ પાછો ગયો. નાથન સ્મિથે અદ્ભુત ચપળતા બતાવી અને બોલને પકડવા માટે હવામાં કૂદકો માર્યો. જ્યારે સ્મિથે બોલ કેચ કર્યો ત્યારે તે સંપૂર્ણપણે હવામાં હતો. સ્પાઈડર-મેનની જેમ તેણે હવામાં જ કેચ પૂરો કર્યો. આ સાથે ઈશાન મલિંગાની ઈનિંગ્સનો અંત આવ્યો.

ન્યૂઝીલેન્ડે મેચની સાથે જ સિરીઝ પણ જીતી લીધીઃ

આ મેચમાં પ્રથમ બેટિંગ કરતા ન્યૂઝીલેન્ડની ટીમે 37 ઓવરમાં 255 રન બનાવ્યા હતા. રચિન રવિન્દ્રએ સૌથી વધુ 79 રનની ઇનિંગ રમી હતી. ડેરીલ મિશેલે 38 રનનું યોગદાન આપ્યું હતું. હેટ્રિક લેવા ઉપરાંત શ્રીલંકા તરફથી સ્પિનર ​​મહેશ તિક્ષીનાએ પણ ચાર વિકેટ લીધી હતી. વાનિન્દુ હસરંગાએ પણ બે વિકેટ ઝડપી હતી.

Stop that, Nathan Smith! 🥵😵‍💫

The Kiwi took an absolute screamer inches away from the ropes as New Zealand took an unassailable lead in the ODI series! 👊#NZvSLonFanCode pic.twitter.com/7KBaL0j3Qx

— FanCode (@FanCode) January 8, 2025

શ્રીલંકાના બેટ્સમેનો નિષ્ફળ:

ન્યૂઝીલેન્ડ દ્વારા આપવામાં આવેલા 256 રનના લક્ષ્યનો પીછો કરતી વખતે શ્રીલંકા માટે કામિન્દુ મેન્ડિસે સૌથી મોટી ઇનિંગ રમી હતી. તેણે 66 બોલમાં 64 રન બનાવ્યા હતા. જો કે તેમ છતાં શ્રીલંકાની ટીમ 31મી ઓવરમાં 142 રનમાં આઉટ થઈ ગઈ હતી. ન્યુઝીલેન્ડ તરફથી વિલ ઓ’રર્કે ત્રણ અને જેકબ ડફીએ બે વિકેટ ઝડપી હતી. આ મેચ સાથે કિવી ટીમે શ્રેણી પર કબ્જો કરી લીધો હતો. ન્યુઝીલેન્ડે પણ પ્રથમ મેચ જીતી હતી. હવે આ શ્રેણીની છેલ્લી મેચ 11 જાન્યુઆરીએ રમાશે.

આ પણ વાંચો: