વડાપ્રધાન નરેન્દ્ર મોદીએ પહેલો સગો તે પાડોશીની નીતિને ધ્યાનમાં રાખી ભારતના પાડોશી દેશ નેપાલ, ભુટાન, બાંગ્લાદેશ, શ્રીલંકા અને માલદીવને નવા વર્ષની શુભકામના પાઠવી. આ દરમિયાન મોદીએ ઘણા દેશોના વડાઓને ફોન કરીને વાત કરી હતી. જો કે, પાડોશી દેશ પાકિસ્તાનના વડાપ્રધાન ઈમરાન ખાનને ફોન કર્યો ન હતો. આ વાતચીત દરમિયાન 2019માં થયેલા કરારો તથા રાજકીય સંબંધ અંગે પણ ચર્ચા કરી હતી.
વડાપ્રધાન મોદીએ ભારતની જનતા તરફથી પાડોશી નેતા અને ત્યાની જનતાને નવા વર્ષની શુભકામના પાઠવી હતી. પાડોશી નીતિ અંતર્ગત ભારતના મિત્ર દેશોને સુરક્ષા. શાંતિ, સમૃદ્ધી એને વિકાસની દ્રષ્ટીએ ભારતની પ્રતિબદ્ધતા પર ભાર આપ્યો હતો.
ભુટાનના રાજા સાથેની વાતચીતમાં 2019ની સિદ્ધિઓ અંગે ચર્ચા કરી હતી સાથે તેમણે 2019માં થયેલા કરારોની પણ ચર્ચા કરી હતી.
શ્રીલંકાના રાષ્ટ્રપતિ ગોટાબાયા રાજપક્ષેએ ઉષ્માપુર્વક મોદીના વિચારોને આવકાર્યા હતા. તેમણે જણાવ્યું કે, 2020માં શ્રીલંકા અને ભારત વચ્ચે ઘણા કરારો થશે. બંન્ને દેશોના મૈત્રીપુર્ણ સંબંધોને વધારવા તત્પર છીએ.
વડાપ્રધાન મોદીએ માલદીવના રાષ્ટ્રપતિ ઈબ્રહિમ સોલિહ સાથે વાતચીત કરી, જે દરમિયાન તેમણે વ્યુહાત્મક રીતે મહત્વપૂર્ણ હિંદ મહાસાગરના આ ટાપુના લોકોને 2020ની શુભકામનાઓ પાઠવી હતી.
માલદીવમાં ભારતીય રાજદૂતે કહ્યું કે, વડાપ્રધાન નરેન્દ્ર મોદીએ રાષ્ટ્રપતિ ઈબ્રહિમ સોલિહ સાથે ટેલિફોનિક વાતચીત દરમિયાન વડાપ્રધાને તેમણે માલદીવના લોકોને નવા વર્ષની શુભકામના પાઠવી હતી.
વડાપ્રધાન નરેન્દ્ર મોદીએ ગત મહિને કહ્યું હતું કે, નજીકનાં મિત્રો અને સમુદ્રી પાડોશી દેશ રૂએ માલદીવના વિકાસ માટે તેની સાથે ભાગીદારી કરવા સંકલ્પબદ્ધ છે.
નરેન્દ્ર મોદીએ બાંગ્લાદેશના વડાપ્રધાન શેખ હસીનાને અવામી લીગના અધ્યક્ષના રૂપમાં આગામી 3 વર્ષ માટે ચૂંટાવા બદલ શુભેચ્છા આપી હતી. જે સાથે 2019માં ભારત-બાંગ્લાદેશના સંબંધો વધારવા અંગે ચર્ચા કરી હતી.
મોદીએ નેપાલી વડાપ્રધાન સાથે પણ વાત કરી, અને ગત વર્ષે આવેલા સંબંધોના સુધારા અંગે ચર્ચા કરી હતી. જે દરમિયાન પરિયોજનાઓ પૂર્ણ થવા બદલ સંતોષ વ્યક્ત કર્યો હતો.
