પશ્ચિમ બંગાળમાં ત્રણ વિધાનસભા બેઠક માટે મતદાન શરૂ

કોલકાતા : પશ્ચિમ બંગાળમાં ત્રણ વિધાનસભા બેઠક માટે મતદાન થયુ હતું. પેટાચૂંટણીમાં સોમવારે સવારે 11 વાગ્યે સુધી 30.17 ટકા મતદાન થયું હતું.ચૂંટણી આયોગના એક અધિકારીએ જણાવ્યું કે, ખડગપુરમાં 2.25 લાખ મતદાતા છે અને શરૂઆતના 4 કલાકમાં 28 ટકા મતદાન થયું હતું. જોકે, કાલિયાગંજ અને કરીમપુરમાં 31.25 ટકા મતદાન થયું હતું.પેટાચૂંટણીના પરિણામ 28 નવેમ્બરના રોજ જાહેર કરવામાં આવશે.

ત્રણ વિધાનસભા વિસ્તારમાં 7 લાખ લોકો મતદાન કરશે.આ લોકોના મતદાનથી 18 ઉમેદવારોની કિસ્મતનો નિર્ણય થશે.અધિકારીએ જણાવ્યું કે,કડક સુરક્ષા બંદોબસ્ત વચ્ચે ખડગપુર સદન,કાલિયાગંજ અને કરીમપુરમાં 801 મતદાન કેન્દ્રો પર સવારથી જ લોકો જોવા મળી રહ્યા છે.આ ત્રણેય બેઠક પર મતદાનથી જ જાણવા મળશે કે ટીએમસી અને ભાજપમાંથી કોણ આગળ છે.