વરિષ્ઠ પોલીસ અધિકારીઓના જણાવ્યા અનુસાર જમ્મુ કાશ્મીરમાં 10 જિલ્લામાં કોઈ પણ પ્રકારનો હાલ પ્રતિબંધ નથી. જમ્મુના ફક્ત પાંચ જિલ્લામાં જ પ્રતિબંધ છે.ધીમે ધીમે ત્યાં પણ હટી જશે.
તો વળી બીજી બાજુ અન્ય એક વિડીયોમાં કાશ્મીરના આઈજી એસપી પાનીનું કહેવું છે કે, ઘાટીમાં ગોળીબારની ઘટના સંબંધિત આંતરરાષ્ટ્રીય મીડિયામાં જે ખબરો આવી રહી છે તે ખોટી છે.
તેમણે વધુમાં જણાવ્યું હતું કે, ઘાટીમાં આવી કોઈ જ ઘટના ઘટી નથી. વિતેલા એક અઠવાડીયામાં ઘાટીમાં કોઈ પણ પ્રકારની આવી ઘટના બની નથી, ઘાટીમાં અત્યાર સુધી તો શાંત વાતાવરણ રહ્યું છે. અમે મીડિયા એજન્સીઓએ કરેલા જવાબદારી પૂર્વકના કામ માટે તેમની પ્રશંસા કરીએ છીએ.
