વડાપ્રધાન મોદીએ અહીં વિરોધ પક્ષ કોંગ્રેસ પર નિશાન સાધ્યું હતું. તેમણે અહીં કહ્યું હતું કે, કોંગ્રેસ જે વાત કરી રહ્યું તે જ વાત પાકિસ્તાન પણ કરી રહ્યું છે.
વડાપ્રધાને એમ પણ કહ્યું હતું કે, કોંગ્રેસ કહી રહી છે કે, જમ્મુ કાશ્મીરમાંથી ઘારા 370 હટાવી નાખવામાં આવશે. તેમણે અહીં કોંગ્રેસ પર નિશાન સાધતા કહ્યું કે, હિંસા વાળા વિસ્તારોમાં સૈનિકોને મળતા વિશેષ અધિકારો પાછા લેવામાં આવશે. પાકિસ્તાન પણ આવું જ ઈચ્છે છે.
PM એ કહ્યું કે, દેશની સુરક્ષા અને સંસ્કૃતિને જાળવવા માટે તેઓ પ્રતિબદ્ધ છે. તેમની સરકાર દેશમાં ઘૂષણખોરોને રોકશે. નક્સલીઓ પર પ્રહારો કરશે. આદિવાસીઓ સુધી વિકાસ પહોંચાડવા અમે દિવસ રાત મહેનત કરી છે. વડાપ્રધાને પાંચ વર્ષના કાર્યોને જનતા સમક્ષ રજૂ કર્યા હતા.
આતંકવાદ પર તેમણે કહ્યું કે, આંતકીઓને ઘરમાં ઘૂસીને મારીશું આ છે નવા ભારતની નીતિ. આતંકને હરાવીને જ રહીશું તે અમારું સંકલ્પ છે.
વડાપ્રધાને કહ્યું કે, રાષ્ટ્રવાદ અમારી પ્રેરણા છે. અંત્યોદય અમારુ દર્શન છે. સુશાસન અમારો મંત્ર છે. આ ભાવના સાથે નવા ભારતનું નિર્માણ થશે. અમે લોકોની ભાગીદારી ઈચ્છીએ છીએ.
