બંગાળમાં નેતાજીના પરિવારને પણ નથી છોડ્યું સિંડીકેટે: રક્ષા પ્રધાન

કલકત્તા: રક્ષાપ્રધાન નિર્મલા સીતારમણએ પશ્ચિમ બંગાળની સરકાર તૃણમૂલ કોંગ્રેસ પર આરોપ લગાવ્યો છે. તેમણે કહ્યું કે પાર્ટીથી જોડાયા ખંડણી મંડળ રાજ્યના દરેક વર્ગને ભયભીત કરે છે. તેમણે કહ્યું કે ભાજપા સરકાર જ રાજ્યની જનતાને સારું જીવન આપી શકે છે.

રક્ષા પ્રધાન સીતારમણે કહ્યું હતું કે, પશ્ચિમ બંગાળમાં આ સિંડીકેટ એટલી હદ સુધી આગળ વધી ગયું છે કે, નેતાજી સુભાષ ચંદ્ર બોઝના પરિવાર તથા અમુક તૃણમૂલ કોંગ્રેસના સાંસદ પાસેથી પણ બળજબરી પૂર્વક વસૂલી કરવાની કોશિશ કરતા રહ્યા છે.

સીતારમણએ કહ્યું કે મંડળના સભ્યોએ જાદવપુરમાં સાસંદ સુગત બોસથી રોકડ રકમની માંગ કરી હતી.તે દક્ષિણ કોલકાતાના ભવાનીપુર વિસ્તારમાં આવેલા ઘરનું સમારકામ કરાવી રહ્યા હતા.આ ઘરમાં નેતાજી રહેતા હતા.તેમણે કહ્યું કે આવી પરિસ્થિતી જોઇને સુગત બોસે રાજનીતિ છોડીને અમેરિકા પરત ફરવાનો નિર્ણય કર્યો હતો.

ઉલ્લેખનીય છે કે જાદવપુરમાં તૃણમૂલ કોંગ્રેસ ઉમેદવાર બંગાળની અભિનેત્રી મિમીની જાહેરાત કરતા મમતા બનેર્જીએ કહ્યું હતું કે બોસને હાર્વર્ડ વિશ્વવિદ્યાલયમાંથી ચૂંટણી લડવાની અનુમતિ મળી ન હતી. જ્યા તેઓ અભ્યાસ કરતા હતા.

સીતારમણએ દાવો કર્યો કે કેન્દ્રમાં નરેન્દ્ર મોદી સરકાર લોકોના કલ્યાણ માટે કેટલીક યોજનાઓ ચલાવી રહી છે.પરતું મમતા બેનર્જીએ રાજ્યાના લોકોને આ યોજનાઓથી દુર રાખ્યો છે.

સીતારમણે દાવો કર્યો હતો કે, 1977થી 2011 સુધી 34 વર્ષમાં કમ્યુનિસ્ટ શાસનમાં હિંસા દરમિયાન 55 હજારથી પણ વધુ લોકોએ જીવ ખોયા છે. મમતા દીદી હિંસક શાસનની કોપી કરી રહ્યા છે.

તેમણે દાવો કર્યો હતો કે, બંગાળમાં તૃણમૂલ કોંગ્રેસ તથા કમ્યુનિસ્ટોની બંગાળમાં કોઈ જગ્યા નથી.