નવી દિલ્હી: નિર્ભયા ગેંગરેપના દોષી વિનય શર્માની અરજીની સુપ્રીમ કોર્ટમાં આજે સુનાવણી થઈ હતી. શર્માની દયા અરજી રાષ્ટ્રપતિએ નકારી કાઢ્યા પછી આ અરજી કરવામાં આવી છે. વિનય શર્માએ મંગળવારે સુપ્રીમ કોર્ટમાં અરજી કરી હતી. શર્માએ તેમના વકીલ એ. પી. સિંઘ દ્વારા ફાંસીને આજીવન કેદમાં બદલવાની વિનંતી કરી છે. હવે આજની સુનાવણીમાં કોર્ટે કહ્યું કે, દોષિતોને અલગ અલગ ફાંસી પરની કેન્દ્રની અરજી પર આવતીકાલે સુનાવણી થશે.
1 ફેબ્રુઆરીએ વિનયની દયા અરજી રાષ્ટ્રપતિ રામ નાથ કોવિંદ દ્વારા નામંજૂર કરવામાં આવી હતી. નીચલી અદાલતે રાજધાનીના ચર્ચાસ્પદ સામુહિક દુષ્કર્મ અને હત્યાના કેસમાં 31 જાન્યુઆરી સુધીના ચુકાદાઓ મુકેશકુમાર સિંહ, પવન ગુપ્તા, વિનયકુમાર શર્મા અને અક્ષય કુમારની ફાંસીની સજા પર મુલતવી રાખી હતી. આ ચારેય દોષીઓ હાલમાં તિહાર જેલમાં બંધ છે. પવને હજી સુધી કોઈ સુધારાત્મક અરજી દાખલ કરી નથી, જે તેના માટે છેલ્લો કાનૂની વિકલ્પ છે. તેની પાસે હમણા રાષ્ટ્રપતિ પાસે દયાની અરજી ફાઈલ કરવાનો વિકલ્પ પણ છે.
16-17 ડિસેમ્બર, 2012ના રોજ દક્ષિણ દિલ્હીની એક ચાલતી બસમાં છ વ્યકિતઓએ સામુહિક બળાત્કાર કર્યા બાદ નિર્ભયાને રસ્તામાં ફેંકી દેવામાં આવી હતી. બાદમાં નિર્ભયાનું 29 ડિસેમ્બર 2019ના રોજ સિંગાપોરની એક હોસ્પિટલમાં નિધન થયું હતું. આ કેસમાં આ ચાર દોષિતો સહિત છ આરોપીઓ હતા. તેમાંથી એક રામસિંહે કથિત રીતે જેલમાં આત્મહત્યા કરી લીધી હતી. જ્યારે છઠ્ઠો આરોપી કિશોર હતો, જેને ત્રણ વર્ષ સુધી સુધારગૃહમાં રાખવામાં આવ્યો હતો. આ કિશોરને 2015માં સુધારગૃહથી મુક્ત કરવામાં આવ્યો હતો. નીચલી અદાલતે સપ્ટેમ્બર 2013માં આ કેસમાં ચારેય દોષીઓને ફાંસીની સજા સંભળાવી હતી, જેની પુષ્ટિ હાઈકોર્ટ અને ત્યારબાદ સુપ્રીમ કોર્ટે કરી હતી.
