કોરોનાના ભય વચ્ચે સાયબર ક્રાઇમની સમસ્યા

એક સૉફ્ટવેર એન્જિનિયર ઘરેથી કામ કરી રહ્યો હતો. દરમિયાન તેને એક ઇમેઇલ Kovid-19 એવી સબ્જેક્ટ લાઇન સાથે મળ્યો. તેણે ક્લિક કર્યું ત્યારે તેને ખ્યાલ ના રહ્યો કે તેણે લેપટોપમાં આ સાથે માલવેરને પ્રવેશ માટેનો માર્ગ પણ મોકળો કરી આપ્યો. તેના મારફત સાયબર ધૂતારાઓએ તેની સૉફ્ટવેર કંપનીના ઇન-હાઉસ નાણાંકીય ટ્રાન્ઝેક્શનની માહિતી મેળવવાનું શરૂ કરી દીધું. સાથે જ કંપનીના નાણાં ગુપચાવવાનું પણ શરૂ કરી દીધું.

ન્યૂઝ ડેસ્કઃ ધોરણ ભણતા વિદ્યાર્થીએ ઓનલાઇન ક્લાસ માટે કમ્પ્યુટર શરૂ કર્યું કે તેનો સ્ક્રીન જામ થઈ ગયો. તેના પર મેસેજ મળ્યો કે અમુક રકમ મોકલી આપો તો જ તમારું પીસી ચાલશે. આ રીતે કમ્પ્યુટર પર કબજો જમાવીને લાગો માગવામાં આવે તેને 'રેન્સમ વેર' કહેવામાં આવે છે.લૉકડાઉનના કારણે હાલમાં ઘરેથી કામ કરવાનું વધ્યું છે. તે સ્થિતિનો લાભ સાયબર છેતરપિંડી કરનારા બદમાશો ઉઠાવી રહ્યા છે. આ ધૂતારાઓ સમગ્ર પરિવારને છેતરી રહ્યા છે. નાણાં પડાવી લેવા ઉપરાંત સંબંધોને પણ ખરાબે ચડાવવાનું કામ ગુનેગારો કરી રહ્યા છે.

સમય પસાર કરવા માટે સાડી ચેલેન્જ ચાલતી હોય છે. તેમાં સ્ત્રીએ સરસ રીતે સાડી પહેરીને તૈયાર થવાનું તસવીરો પોસ્ટ કરવાની. હરામખોરો આ તસવીરોનો ઉપયોગ કરીને વેવિશાળ માટેની વેબસાઇટમાં છેતરપિંડી કરે છે. તસવીરો ઉપયોગ કરીને બીજાને ફ્રેન્ડશીપ માટે પણ લલચાવીને ફસાવામાં આવે છે. સાયબર એક્સપર્ટ કહે છે કે તેનો ઉપયોગ પોર્નોગ્રાફિક વેબસાઇટ્સ માટે પણ થાય છે. જાણકારો કહે છે કે લૉકડાઉન પછી આવા ઓનલાઇન ફ્રોડમાં 12% વધારો થયો છે. ખાસ કરીને ફેસબૂક પર ફિમેલ એકાઉન્ટમાંથી ફ્રેન્ડશીપ રિક્વેસ્ટ વધી છે. આ ફેક એકાઉન્ટ્સ હોય છે.

સાડી ચેલેન્જની જેમ ફેમિલી ચેલેન્જ પણ ચાલુ થઈ છે. તેમાં પતિ-પત્નીએ તસવીર મૂકવાની હોય છે. આ તસવીરમાંથી પતિના ચહેરાને મોર્ફ કરીને ફેરવી નાખવામાં આવે છે અને ગેરકાયદે રીતે બીજી વેબસાઇટ પર ચડાવી દેવામાં આવે છે. ત્યારબાદ પત્નીને બ્લેકમેઇલિંગ કરવાનું શરૂ કરી દેવામાં આવે છે.

ઘરેથી કામ કરતા સાવધાન