માત્ર એક ક્લિક: મહારાષ્ટ્રના પરિણામથી અત્યાર સુધીના 'મહાસંગ્રામ'ની તમામ માહિતી

ન્યુઝ ડેસ્કઃ એકાદ મહિનાથી મહારાષ્ટ્રનું રાજકારણ રોજ નવી દિશા લઈ રહ્યું છે. ચૂંટણી પહેલા ચારેય મુખ્ય પક્ષોમાં ભાજપ-શિવસેના જ્યારે એન.સી.પી.-કોંગ્રેસ ગઠબંધન સાથે ચૂંટણી લડ્યા હતા. ચૂંટણી પરિણામોમાં ભાજપ અને શિવસેનાને સરકાર રચી શકે તેટલી પર્યાપ્ત બેઠકો પ્રાપ્ત થઈ હતી. પરંતુ ભાજપની બેઠકો ઘટી હતી. ભાજપને નબળુ પડેલુ જોઈ શિવસેનાનું મનોબળ મજબૂત થયુ હતુ. શિવસેનાએ ચૂંટણી પરિમામ બાદ દાવો કર્યો કે ચૂંટણી પહેલા ભાજપ અને શિવસેના વચ્ચે 50-50ના ફોર્મ્યુલા પર ચર્ચા થઈ હતી. જેની પર હવે ભાજપ રાજી નથી. બીજીતરફ ભાજપે શિવસેના સાથે આવી કોઈ વાતચીત ન થઈ હોવાનું કહ્યું હતુ. આ સંઘર્ષ વચ્ચે એન.સી.પી. અને કોંગ્રેસ વચ્ચે બેઠકો ચાલ્યા બાદ શિવસેના બંને પક્ષો સાથે મળી સરકાર બનાવવા તૈયાર થઈ હતી. ત્રણેય પક્ષો વચ્ચે તમામ બાબતે ચર્ચા થઈ ગયા બાદ 23 નવેમ્બરે શનિવારની સવારે ભાજપના દેવન્દ્ર ફડવણીસ મુખ્યપ્રધાન તરીકે શપથ લીધા. તેમની સાથે શરદ પવારના ભત્રીજાએ પક્ષમાંથી વિદ્રોહ કરીને નાયબ મુખ્યપ્રધાન પદના શપથ લીધા. ભાજપે બહુમતીનો દાવો કર્યો અને મોડી સાંજ થતા એન.સી.પી.ના ચારેક ધારાસભ્યોને બાદ કરતા તમામ શરદ પવાર પાસે પરત ફર્યા. હવે આ અંગે આજે ત્રણેય પક્ષ દ્વારા દેવેન્દ્ર ફડવણીસના શપથ ગ્રહણ સામે કરાયેલી અરજી પર સુપ્રીમ કોર્ટ સુનાવણી કરશે. વધુ અપડેટ માટે જોડાયેલા રહો ઈટીવી ભારત ગુજરાત સાથે...

મહારાષ્ટ્રના ચૂંટણી પરિણામો બાદથી અત્યાર સુધીની મડાગાંઠની તમામ માહિતી માટે માત્ર એક ક્લિક