શ્રીનગરઃ જમ્મુ-કાશ્મીર પ્રશાસને જાહેરાત કરી કે, 8 જુલાઇથી કેન્દ્રશાસિત પ્રદેશોના તમામ ઉદ્યાનો અને બગીચા લોકો માટે ખોલવામાં આવશે. એક અધિકૃત પ્રવક્તાએ કહ્યું કે, જમ્મુ-કાશ્મીરના નાયબ રાજ્યપાલના સલાહકાર બશીર અહમદ ખાને મંગળવારે આ જાહેરાત કરી છે.
ખાને ભારપૂર્વક કહ્યું કે, તમામ લોકોએ કોવિડ-19 મહામારીને લગતા ધોરણો અને તબીબી સલાહનું કડક રીતે પાલન કરવું પડશે.
તેમણે લોકોને અનુરોધ કર્યો તે, તમામ લોકો માસ્ક પહેરવા સાથે હેન્ડ સેનિટાઇઝરનો ઉપયોગ કરી બાગ-બગીચામાં સોશિયલ ડિસ્ટન્સિંગના પાલન સાથે પ્રવેશ કરી શકશે. આ ઉપરાંત ખાને સાવચેતીનાં પગલાંનું ઉલ્લંઘન કરનારાઓને દંડ ફટકારવાનો આદેશ પણ આપ્યો છે.
અધિકારીઓએ ખાનને માહિતી આપી છે કે, બગીચાઓ અને ઉદ્યાનોના પ્રવેશદ્વાર પર લોકોના શરીરનું તાપમાન તપાસવામાં આવશે. આ ઉપરાંત પાર્ક અને બગીચાઓમાં મુલાકાતીઓના ઉપયોગ માટે હેન્ડ સેનિટાઇઝર પણ ઉપલબ્ધ કરાવવામાં આવશે.
