Covid-19 મહામારી સમગ્ર જગતમાં ફેલાઈ ગઈ છે, ત્યારે જગતભરના વિજ્ઞાનીઓ વાઈરસના સામનો કરવા માટેના ઉપાયો શોધવામાં લાગી ગયા છે. વિકસિત દેશોમાં સંશોધકો રાતદિવસ મહેતન કરીને કોરોના વાઈરસ સામે રસી શોધવાની કોશિશમાં લાગ્યા છે. ભારતમાં પણ કોરોનાનો ઇલાજ શોધવા માટે સંશોધનો શરૂ થઈ ગયા છે.
દુનિયા અત્યારે Covid-19ના ભરડામાં આવી ગઈ છે અને અમેરિકા જેવી મહાસત્તા પણ તેની સામે લાચાર દેખાઈ રહી છે. અમેરિકાના પ્રમુખ ડોનાલ્ડ ટ્રમ્પ કોરોના સામેની લડત માટે ભારતની મદદ માગી રહ્યા છે. દુનિયાભરના દેશોએ અત્યારે એ વાત સમજી રહ્યા છે કે માનવજાત સામેનું આ ત્રીજું વિશ્વ યુદ્ધ ભારતના સમર્થન વિના જીતી શકાય તેમ નથી.
હવે કોરોના સામે મેલેરિયા અને એચઆઈવીની દવાઓનો પ્રયોગો થઈ રહ્યો છે ત્યારે સૌની નજર ભારત પર છે. વાઈરસ સામે ઉપયોગી જણાતી હોવાથી હાઇડ્રોક્સીક્લૉરોક્વિનની માગ વધી છે.
બીજી બાજુ દુનિયાભરમાં કોરોના સામે રસી શોધવા માટેની ઝુંબેશ પણ ચાલી રહી છે. આ બધા વચ્ચે આયુર્વેદ અને હોમિયોપથી ડૉક્ટર્સ તરફથી ક્લિનિકલ ટ્રાયલ માટેની મંજૂરી કેન્દ્ર સરકાર સમક્ષ કરવામાં આવી છે. ઇન્ડિયન કાઉન્સિલ ઑફ મેડિકલ રિસર્ચ (ICMR) પાસે પોતાની દવાઓની ટ્રાયલ માટેની રજૂઆતો કરાઈ છે.
આવા જ એક ડૉક્ટર છે બેંગાલુરુના ડૉ. હૃષિકેષ દામલે, અત્રીમેદ ફાર્માસ્યુટકલ્સના મેનેજિંગ ડિરેક્ટર. તેમણે દાવો કર્યો છે કે તેમની કંપનીએ કોરોના વાઈરસ સામે ઉપયોગી દવા શોધી છે અને બે સ્ટેજની તપાસ પછી તેમણે ક્લિનિકલ ટ્રાયલ માટે માગણી મૂકી છે.
ડૉ. હૃષિકેષ દામલેના જણાવ્યા અનુસાર પૃથ્વી પર 3 લાખ ઔષધીઓ મળે છે. તેમાંથી કઈ ઔષધી વાઈરસ સામે ઉપયોગી થાય તે જાણવું રસપ્રદ બનતું હોય છે. ડૉ. દામલેએ 25 એવી ઔષધીઓની યાદી તૈયાર કરી છે, જે કોરોના વાઈરસ સામે ઉપયોગી થઈ શકે.
ડૉ. હૃષિકેષ દામલે કોરોના વિશેના સંશોધનમાં એ જાણવાની કોશિશ કરી છે કે તેના ત્રણ પ્રોટીન્સને કેવી રીતે તોડી શકાય. પ્રોટીનને અટકાવી શકાય તો Sars-CoV-2 વાઈરસ પોતાની સંખ્યા વધારે છે તે ના કરી શકે. તેમણે સ્પાઇક પ્રોટીન, મેમબ્રેન પ્રોટીન અને એસ્ટેરેઝ પ્રોટીન વિશે સંશોધન કર્યું હતું. તેમણે એવી 25 ઔધષીઓ અલગ તારવી છે જે આ પ્રોટીનને શરીરમાં ફેલાતું રોકી શકે. તેમણે આ વિશે ICMRને પણ માહિતી આપી હતી અને "ICMR તરફથી સંશોધન શરૂ રાખવા મદદની ખાતરી આપવામાં આવી હતી," એમ તેમણે ઈટીવી ભારતને જણાવ્યું હતું.
સરકાર તરફથી ટ્રાયલ માટે મંજૂરી મળે તે પછી આ 25 ઔષધીઓનો પ્રયોગ કોરોના વાઈરસ પર કરવા માટે તેઓ તૈયાર છે. તેમના જણાવ્યા અનુસાર Covid-19ની રસીની શોધ દુનિયા માટે મોટું પગલું ગણાશે.
એ યાદ રાખવું રહ્યું કે પ્રાચીન સમયથી આયુર્વેદ જુદા જુદા રોગ માટે ઉત્તમ ઉપચાર મનાય છે.
ડૉ. હૃષિકેષ દામલે તરફથી અપાયેલી માહિતી પર હવે કેન્દ્ર સરકાર અને ICMR તરફથી વિચાર થાય અને તેમને ક્લિનિકલ ટ્રાયલ કરવાની મંજરી મળે તેની રાહ જોવામાં આવી રહી છે. જો ઔષધીઓ વાઈરસ સામે અસરકારક સાબિત થાય તો તેનાથી વિશ્વને મોટી રાહત મળશે.
