નવી દિલ્હી: સ્પેશિયલ સેલના ઈન્સ્પેક્ટર સંજીવ યાદવનું કોરોનાથી મોત થયું છે. તેઓ સ્પેશિયલ સેલની વેસ્ટર્ન રેન્જમાં જનકપુરી સ્થિત યુનિટમાં તૈનાત હતાં. બે અઠવાડિયા પહેલાં તેમને શ્વાસ લેવામાં તકલીફ થઇ હતી, ત્યારબાદ તેમને મેક્સ હોસ્પિટલમાં દાખલ કરવામાં આવ્યા હતા. જ્યાં બે અઠવાડિયાથી તેઓ આઇસીયુમાં હતાં.
ડોકટર તેમને સતત સારવાર આપી રહ્યા હતા. તેમની તબિયતમાં કોઇ સુધારો આવ્યો નહીં. તેમને બે વખત પ્લાઝમાં થેરાપી પણ આપવામાં આવી હતી. મંગળવારે રાત્રે લગભગ 12.30 વાગ્યે હોસ્પિટલમાં તેમનું નિધન થયું હતું. તેમના પરિવારને આ અંગે જાણ કરવામાં આવી છે.
