ભારત તરફથી જોઈએ તો કરતારપુર કૉરિડોરમાં પેસેન્જર ટર્મિનલ બની રહ્યું છે. જ્યાં 500 ગાડીઓનું પાર્કિગની પણ વ્યવસ્થા હશે. આ કામ માટે ભારત તરફથી 30 એન્જિનિયર તથા 200થી પણ વધારે મજૂરને કામ લગાવી દીધા છે. ત્યાં એક ખાસ પ્રકારના રોડનું પણ કામ ચાલી રહ્યું છે જેમાં લગભગ 60 ટકા કામ તો પૂર્ણ થઈ ગયું છે.
ભારત તરફથી બની રહેલા રોડમાં કૉરિડોરમાં 4 લેન રોડ હશે. રોડની સાથે સાથે પાર્કિંગમાં પણ CCTV કેમેરા લગાવવામાં આવશે. અહીં દૂર દૂરના લોકોને આવવા માટે ખાસ પ્રકારની બસની સુવિધા પણ ઉપલબ્ધ કરાવામાં આવશે.
બેઠકમાં ભારત અને પાકિસ્તાનના 20-20 અધિકારીઓ સામેલ થયા હતા
પાકિસ્તાને જણાવ્યું કે, આ કોરિડોરથી ભારત વિરોધી ગતિવીધિઓ નહી થવા દેવામાં આવે. ભારતે માંગ કરી હતી કે કરતારપુર કોરિડોરનો દુરુપયોગ થવો જોઈએ નહીં. બેઠકમાં, ભારતે તેની સરહદોમાં બનેલા કોરિડોરથી સંબંધિત માહિતી જણાવી. ભારતીય અધિકારીઓએ યાત્રાળુઓને જવાની પરવાનગી આપવા 365 દિવસની માંગ કરી છે. ભારતે ભક્તો અને સલાહકાર સેવાની સલામતીની ખાતરી કરવા માંગે છે.
આ મીટિંગમાં, 'ઝીરો પોઇન્ટ' નો સંપર્ક કરવા જેવા પ્રવાસીઓ અને યાત્રા કરનારા યાત્રીઓની સંખ્યા અંગે ચર્ચા કરવામાં આવી હતી. આ બેઠક પાકિસ્તાન સરહદની અંદર અટારી-વાઘા સરહદ પર થઈ હતી.
અગાઉ પાકિસ્તાને આ પ્રોજેક્ટ પર પાકિસ્તાન દ્વારા નિમણૂક કરેલી સમિતિમાં મુખ્ય ખાલિસ્તાનની અલગતાવાદીની હાજરી અંગે ચિંતાઓ દાખવી હતી.
આ ઉપરાંત, મુસાફરોની અવર જવર માટે જરૂરી દસ્તાવેજોની સંખ્યા, યાત્રા કરવા માટે કેટલા મુસાફરોને મંજુરી આપવામાં આવશે તે વિશે પણ ચર્ચા કરવામાં આવી હતી.
આ કોરિડોર યાત્રાળુઓને ગુરદાસપુર જિલ્લામાં આવેલા ડેરા બાબા નાનક સાહિબથી, પાકિસ્તાનના કરતારપુરમાં ગુરુદ્વારા દરબાર સાહિબ પહોંચાડવામાં મદદ કરશે.
તેમણે જણાવ્યું હતું કે, ભારતના ડેરા બાબા નાનકના પેસેન્જર ટર્મિનલ સંકુલની સાઇટ પર બાંધકામનું કામ ઝડપથી શરૂ થઈ રહ્યું છે. ગુરુ નાનક દેવની 550મી જન્મજયંતિ પહેલા આ કાર્ય 31 નવેમ્બર, 2019 સુધી પૂર્ણ કરવાનું આયોજન છે. લગભગ 15 એકરમાં આ કોરિડોર બનાવવાનું કામ ચાલી રહ્યું છે. આ પ્રોજેક્ટથી લગભગ 5,000 ભક્તોને સુવિધાઓ મળશે.
ઉલ્લેખનીય છે કે, ગયા વર્ષે નવેમ્બરમાં ભારત અને પાકિસ્તાન આ કોરિડોર બનાવવા માટે સંમત થયા હતા. 26 નવેમ્બરના રોજ ગુરદાસપુર જિલ્લામાં અને બે દિવસ પછી પાકિસ્તાનના નરૌવલ (લાહોરથી 125 કિલોમીટર)માં આ કોરિડોરનો પાયો નાખવામાં આવ્યો હતો.
