નવી દિલ્હી: વર્લ્ડ હેલ્થ ઓર્ગેનાઇઝેશન (WHO) દ્વારા કોરોના વાઈરસનો અસરકારક ઉપાય શોધવા માટે શરૂ કરાયેલા એકતા પરીક્ષણ કાર્યક્રમના ભાગ રૂપે અત્યાર સુધીમાં નવ હોસ્પિટલોને ક્લિનિકલ ટ્રાયલ માટે મંજૂરી આપવામાં આવી છે.
આ અંગે ભારતીય તબીબી સંશોધન પરિષદ (આઈસીએમઆર) એ બુધવારે આ માહિતી આપી છે. પરીક્ષણ માટે પસંદ કરાયેલી હોસ્પિટલમાં સારવારના ચાર પ્રોટોકોલ્સ રેમડેસિવીર (લોપિનાવીર અને રીટોનાવીરનું સંયોજન), હાઇડ્રોક્સીક્લોરોક્વિન અને લોપીનાવીર અને રીટોનાવીરનું ઇંટરફેરોન બીટા-1 સાથે મૂલ્યાંકન કરવામાં આવશે. આ હોસ્પિટલોમાં જોધપુર એઇમ્સ, ચેન્નઇની એપોલો હોસ્પિટલ, બીજે મેડિકલ કોલેજ અને અમદાવાદ સ્થિત સિવિલ હોસ્પિટલ અને ભોપાલની વિવા મેડિકલ કોલેજ અને હોસ્પિટલ સામેલ છે.
આઇસીએમઆર-નેશનલ એઇડ્સ રિસર્ચ ઇન્સ્ટિટ્યૂટના મહામારી વિભાગના વડા શીલા ગોડબોલેએ જણાવ્યું હતું કે, આવશ્યક નિયમનકારી અને પરવાનગી પહેલેથી જ આપવામાં આવી છે, કોરોનાના દર્દીઓની ભરતી સાથે જ પરિક્ષણ શરૂ કરવામાં આવશે.
અત્યાર સુધી નવ હોસ્પિટલને પરિક્ષણ માટે મંજૂરી આપવામાં આવી છે.
ગોડબોલે ભારતમાં 'એકતા પરીક્ષણ' કાર્યક્રમ WHOના રાષ્ટ્રીય સંયોજક પણ છે. આ એક વૈશ્વિક ક્લિનિકલ ટ્રાયલ પ્રોગ્રામ છે. જે અંતર્ગત આ ચાર સારવાર વિકલ્પોની અસરકારકતાની તુલના કોરોના વાઈરસની સારવારના ઉપચારના ધોરણો સાથે કરવામાં આવે છે.
