નવી દિલ્હીઃ દિલ્હી પોલીસના 73મા સ્થાપના દિવસની ઉજવણીના ભાગરૂપે કાર્યક્રમનું આયોજન કરવામાં આવ્યું હતું. દિલ્હી ખાતે યોજાયેલા આ સમારોહમાં કેન્દ્રિય ગૃહપ્રધાન અમિત શાહ પણ હાજર રહ્યાં હતા. કાર્યક્રમને સંબોધિત કરતાં અમિત શાહે કહ્યું હતું કે, 'આપણા માટે ગર્વની વાત છે કે દિલ્હી પોલીસની સ્થાપના ભારતના લોખંડી પુરૂષ તરીકે ઓળખાતા સરદાર પટેલે કરી હતી.'
અમિત શાહે વધુમાં કહ્યું હતુ કે, આઝાદી પછી 35 હજાર કરતાં પણ વધારે પોલીસ જવાનોએ દેશની સુરક્ષા અને દેશમાં કાનુની વ્યવસ્થા જળવાઈ રહે તે માટે બલિદાન આપ્યું છે. વડાપ્રધાન નરેન્દ્ર મોદી દ્વારા રાષ્ટ્રીય પોલીસ સ્મારકનું નિર્માણ કરવામાં આવ્યું છે, જે પોલીસના બલિદાનના સાબિતી છે.
