ગાંધી@150ઃ એક મંદિર એવું પણ, જ્યાં દરરોજ થાય છે ગાંધીજીની પૂજા

ન્યૂઝ ડેસ્કઃ આ વર્ષે મહાત્મા ગાંધીની 150મી જન્મજયંતિ ઉજવવામાં આવી રહી છે. આ અવસર પર ઇટીવી ભારત બીજી ઓક્ટોબર સુધી દરરોજ ગાંધીજીના જીવન પર આધારિત અને તેમના જીવનના અલગ-અલગ પાસાઓ પર ચર્ચા કરીએ છીએ. અમે દરરોજ એક વિશેષજ્ઞની સલાહ લઇને તે વાત આપના સુધી પહોંચાડીએ છીએ. તો આજે આપણે એવા જ એક મંદિર વિશે વાત કરવાના છીએ જ્યાં રોજ ગાંધીજીની પૂજા કરવામાં આવે છે.

કદાચ તમને વિશ્વાસ નહીં થાય, પરંતુ આ સત્ય છે. ઓડિશાના સંબલપુર જિલ્લામાં એક મંદિર આવેલું છે. અહીં કોઇ દેવી-દેવતાઓની મૂર્તિ નથી, પરંતુ દેશના રાષ્ટ્રપિતા ગાંધીજીની પ્રતિમાની સ્થાપના કરવામાં આવી છે. લોકો અહીં દરરોજ આવે છે અને તેમની પૂજા-અર્ચના કરે છે. ગાંધી મૂર્તિની પૂજા તમામ વિધિ-વિધાનથી કરવામાં આવે છે. અહીં ઘંટ વગાડવામાં આવે છે. પંડિતો આવે છે, જે મંત્રોચ્ચાર કરે છે અને લોકો ભજન પણ ગાય છે.

આ મંદિરની સ્થાપના અભિમન્યુ કુમારે કરી હતી. તેઓ ઓડિશાના રૈરાખોલ વિધાનસભાના પૂર્વ ધારાસભ્ય રહી ચૂક્યા છે. તેમણે 1972માં આ મંદિરનું બાંધકામ શરૂ કર્યું હતું. જે 1974માં સમાપ્ત થયું હતું. ઓડિશાના તત્કાલિન CM નંદિની સત્પતિએ આ મંદિરનું ઉદ્ધાટન કર્યું હતું.

પરંતુ મંદિરમાં આવનારા લોકો ભક્ત હોતા નથી. તેઓ તો સામાન્ય ગ્રામિણ લોકો છે. આ મંદિરમાં બધા જ ધર્મોના લોકો આવે છે. આ મંદિરના પૂજારી પણ ગૈર બ્રાહ્મણ છે તો મંદિરના દ્વાર પર મોટો અશોક સ્તંભ પણ છે. તમે જોઇ શકો છો કે, મંદિરમાં અલગ-અલગ ધર્મોના પ્રતિક ચિન્હો છે. આઝાદીના આંદોલનમાં કુરબાની આપારા વીર સપૂતોના ફોટો પણ લગાવવામાં આવ્યા છે. આ એક માત્ર મંદિર છે, જે ધર્મનિરપેક્ષતા અને ભાઇચારાનો સંદેશો આપે છે.