જામિયા મિલ્લિયા ઈસ્લામિયા યુનિવર્સિટીમાં છેલ્લા કેટલાક દિવસોથી વિરોધ પ્રદર્શન થઈ રહ્યું છે. આ પ્રદર્શન વચ્ચે ત્યા એક ડિટેન્શન સેન્ટર ખોલવામાં આવ્યું છે.
શા માટે ખોલવામાં આવ્યું છે ડિટેન્શન સેન્ટર?
જામિયા યુનિવર્સિટીમાં ખોલાયેલુ આ ડિટેન્શન સેન્ટર સરકાર દ્વારા ખોલાયું નથી. આ ડિટેન્શન સેન્ટર વિદ્યાર્થીઓએ ખોલ્યુ છે. જેને તેઓ હિરાસત કેન્દ્ર પણ કહી રહ્યા છે. આ કેન્દ્રમાં કેદ થઈને પ્રદર્શનકારીઓ CAA અને NRCનો વિરોધ કરે છે.
નાગરિકતા સંશોધન કાયદો નાબૂદ કરવા માગ
ડિટેન્શન સેન્ટરમાં રહેલા PHDના વિદ્યાર્થીએ કહ્યું કે, આ કાયદો સંવિધાન વિરોધી છે. વડા પ્રધાન મોદી અને અમિત શાહ દેશને તોડવાનું કામ કરી રહ્યા છે. કંઈપણ થઈ જાય અમે આ ડિટેન્શન સેન્ટરમાં રહીને વિરોધ કરતા રહેશુ. જામિયા અને શાહિન બાગમાં 15 ડિસેમ્બર, 2019થી સતત વિરોધ થઈ રહ્યો છે.
ઉત્તર ભારતનું પહેલું ડિટેશન સેન્ટર
આ ડિટેન્શન સેન્ટર વિદ્યાર્થીઓએ ભલે વિરોધ પ્રદર્શન કરવા બનાવ્યું છે, પરંતું આ ડિટેન્શન સેન્ટરને ઉત્તર ભારતનું પહેલું ડિટેન્શન સેન્ટર માનવામાં આવે છે. કેમ કે આ પહેલા સરકારે આસામમાં ઘણા ડિટેન્શન સેન્ટર ખોલ્યા છે. જો કે, વડા પ્રધાને પોતાના ભાષણમાં કહ્યું હતું કે, દેશમાં એક પણ ડિટેન્શન સેન્ટર નથી.
