લખનઉ: અયોધ્યા મુખ્યાલયથી 18 કિલોમીટર દુર સોહાવલ જિલ્લામાં 5 એકર જમીન આપવા પર બાબરી એકશન કમેટીના સંયોજક સહિત બાબરી મસ્જિદના પક્ષકાર ઈકબાલ અંસારીએ વાંધો ઉઠાવ્યો હતો. મસ્જિદની જગ્યાએ નિર્માણને લઇને સુન્ની વકફ બોર્ડે જાહેરમાં કોઇ નિવેદન આપ્યું નથી.
સોહાવલ જિલ્લામાં 5 એકર જમીન મળ્યા બાદ આગામી 24 ફેબ્રુઆરીએ યુપી સુન્ની વકફ બોર્ડે મિટિંગ બોલાવી હતી. જેમાં બોર્ડે પોતાના સભ્યોને મત જાણીને આગામી રણનિતી તૈયાર કરશે. આ મુદ્દે ઓલ ઈન્ડિયા મુસ્લિમ પર્સનલ લો બોર્ડ અને ઘણા મુસ્લિમ સંગઠન પહેલાથી જ મસ્જિદના બદલામાં કોઇ નહીં લેવાની જમીન લેવાની જાહેરાત કરી ચૂક્યા છે.
આ મુદ્દે દારુલ ઉલૂમ ફિરંગી મહલના પ્રવક્તા મૌલાના સુફિયાના નિઝામીએ કહ્યું કે, મુસ્લિન સમાજમાં આજે પણ એક જ મત છે. 5 એકર જમીન ગમે ત્યાં આપવામાં આવે મસ્જિદની જગ્યાએ જમીન સ્વીકાર્ય નથી. સુન્ની વકફ બોર્ડ પર સવાલ ઉઠાવતા સુફિયાન નિઝામીએ કહ્યું કે, બોર્ડ મુસ્લિમોની લાગણીની સાથે છે કે, નહીં.
