કેન્દ્ર સરકારે આ ચારેય રાજ્યોમાં NDRFની 80થી વધારે ટીમ કામે લગાવી દીધી છે. વાયુસેના, નૌસેના તથા રાજ્યની તમામ રાહત અને બચાવ ટીમો સતત લોકોને સુરક્ષિત સ્થાને ખસેડવા તથા તેમની મદદ કરવામાં જોડાઈ ગયા છે. શનિવાર સુધીમાં કેરલમાં 57, કર્ણાટકમાં 31, મહારાષ્ટ્રમાં 27 તથા ગુજરાતમાં 21 લોકોના મોત થઈ ગયા છે.
પ્રાપ્ત વિગતો મુજબ જોઈએ તો, આ ચારેય રાજ્યોમાંથી આજે ગૃહ પ્રધાન અમિત શાહ હવાઈ નિરીક્ષણ કરે તેવી શક્યતા છે. ગુજરાતમાં જોઈએ તો લગભગ 6 હજારથી પણ વધારે લોકોનું સ્થળાંતરણ કરવામાં આવ્યું છે, જેમાં રાજકોટ, વડોદરા સહિત અનેક જગ્યાએ પાણીનો ભરાવો થઈ ગયો છે.
ગત રોજ આ અનુક્રમમાં નિર્મલા સીતારમણ કર્ણાટક પહોંચ્યા હતાં. જ્યાં તેમણે ખેડૂતો સાથે મુલાકાત કરી તેમની નિષ્ફળ ગયેલા પાકને લઈ ચર્ચા કરી બનતી મદદ કરવા ભલામણ પણ કરી છે.
