જયપુર: જયપુર એરપોર્ટ પર કસ્ટમ વિભાગે 32 કિલો સોનું પકડ્યું છે. આ સોનું દુબઇથી જયપુર લઇ આવવામાં આવતું હતું. આ દરમિયાન કસ્ટમ વિભાગે કાર્યવાહી કરી હતી. આ કાર્યવાહીમાં કસ્ટમ વિભાગે ત્રણ ફ્લાઇટમાંથી કુલ 14 તસ્કરોની ધરપકડ કરી હતી. આ તસ્કરોએ કુલ 32 કિલો સોનું ઇમરજન્સી લાઇટની બેટરીમાં ભરી દીધું હતું. આ સોનાની કિંમત 16 કરોડ હોવાનું અનુમાન લગાવવામાં આવી રહ્યું છે.
કસ્ટમ વિભાગે કેન્દ્ર સરકાર તરફથી વંદે ભારત મિશન ચલાવીને વિદેશમાં ફસાયેલા રાજસ્થાનીઓને પરત રાજસ્થાન લાવી રહ્યી છે. આશરે 4 મહિનાના સમયગાળા પછી જયપુર એરપોર્ટ પર શુક્રવારના રોજ સોનાની દાણચોરી કરનારી મોટી ગેંગનો પર્દાફાશ થયો છે.
તમને જણાવી દઈએ કે, આ મામલો સ્પાઇસ જેટની ફ્લાઇટમાં સામે આવ્યો છે. શુક્રવારે દુબઇથી જયપુર જતા વંદે ભારત મિશન અંતર્ગત જયપુર એરપોર્ટ પર 5 મુસાફરો પાસેથી 5 કરોડનું સોનું ઝડપ્યું હતું. કસ્ટમ વિભાગના અધિકારીઓએ આ સોનાની કિંમત આશરે 4.70 કરોડ રૂપિયા આંકી હતી. કસ્ટમની એર ઇન્ટેલિજન્સ વિંગે તમામ તસ્કરોને પોતાના કબજેમાં લઈ લીધા છે.
