હૈદરાબાદઃ આરોગ્ય મંત્રાલયના જણાવ્યા અનુસાર, દેશભરમાં કોવિડ-19 કેસનો કુલ આંકડો 19 લાખને પાર પહોંચી ગયો છે. છેલ્લા 24 કલાકમાં 52 હજારથી વધુ લોકોનો ટેસ્ટ કોરોના પોઝિટિવ આવ્યો છે. જ્યારે 12 લાખથી વધુ લોકો રિકવર થયાં છે.
નવી દિલ્હી
- દિલ્હી ગવર્નરે 1 ઓગસ્ટથી હોટલ અને સાપ્તાહિક બજારોની કામગીરીની મંજૂરી આપવાના રાજ્ય સરકારના નિર્ણયને પલટાવ્યો હતો. જેમાં શેરી વિક્રેતાઓને 1 ઓગસ્ટથી લાંબા સમય સુધી કાર્યરત રહેવાની મંજૂરી આપવાના પ્રસ્તાવને અનલોક-3 હેઠળ મંજૂરી આપવામાં આવી હતી.
- ઈઝરાઈલમાં વિકસીત થયેલી રેપિડ ટેસ્ટ કીટ મંગળવારે દિલ્હી પહોંચી હતી.
- શહેરની 6 જગ્યાએ લગભગ 20 હજાર લોકોનો ટેસ્ટ કરવામાં આવશે.
- જેમાં ડીઆરડીઓ સંચાલિત સુવિધા ઉપરાંત લેડી હાર્ડિંગ મેડિકલ કોલેજ, રામ મનોહર લોહિયા (આરએમએલ), લોક નાયક, સર ગંગા રામ અને આકાશ સુપર સ્પેશિયાલિટી હોસ્પિટલોનો સમાવેશ થાય છે.
મહારાષ્ટ્ર
- મહારાષ્ટ્રમાં એક્ટિવ કેસોમાં સ્થિરતા આવી છે.
- રાજ્ય સરકારે 'મિશન બિગીન અગેઈન' (Mission Begin Again) હેઠળ પ્રતિબંધ મર્યાદિત કરવા માટે નવી માર્ગદર્શિકા બહાર પાડી છે.
- રાજ્યના 10 હજાર પોલીસકર્મીઓ કોરોનાથી સંક્રમિત થયા હતા.
- કોવિડ-19થી 107 પોલીસકર્મીઓના મોત થયા છે.
મધ્ય પ્રદેશ
- મધ્ય પ્રદેશના મુખ્યપ્રધાન શિવરાજસિંહ ચૌહાણને આજે ડિસ્ચાર્જ કરવામાં આવ્યા છે.
- મુખ્યપ્રધાન કોરોનાથી સંક્રમિત થયા હતા. તેઓ 11 દિવસ સુધી હોસ્પિટલમાં હતા.
- ડૉક્ટરે મુખ્યપ્રધાનને હોમ ક્વૉરન્ટીન રહેવા કહ્યું છે.
તેલંગણા
- મંગળવારે તેલંગણામાં 2012 નવા કોવિડ-19 કેસ નોંધાયા હતા, 13ના મોત થયા હતા.
- રાજ્યના હેલ્થ બુલેટિન પ્રમાણે, રાજ્યામાં કોરોના કેસને આંકડો અત્યારે 70,958 પર છે.
- રાજ્યમાં કોવિડ-19ના કારણે કુલ 576 લોકોના મોત થયા છે.
ઉત્તરાખંડ
- ઉત્તરાખંડમાં અલમોરા જેલ પ્રશાસને મુખ્ય જેલના કેદીઓને કોવિડ -19 દ્વારા ચેપ ન આવે તે ધ્યાને રાખીને, નવા કેદીઓ માટે જિલ્લાના આકાશવાણી કેન્દ્રના સ્ટાફ ક્વાર્ટર્સ ખાતે હંગામી જેલની સ્થાપના કરી છે.
ઓડિશા
- મુખ્યપ્રધાન નવીન પટનાયકે એમ.સી.સી.જી. મેડિકલ કોલેજ અને હોસ્પિટલ (MCH) બરહામપુર અને વિમસર એમસીએચ બુર્લા ખાતે બે પ્લાઝ્મા બેંકોનું કોવિડ -19 સારવાર માટે ઉદ્ઘાટન કર્યું હતું.
જમ્મુ-કાશ્મીર
- ITBP અને BSFના DG એસ.એસ.દેસવાલે જણાવ્યું હતું કે,"જમ્મુ અને કાશ્મીર યુવકો માટે બીએસએફ અને સીઆઈએસએફની 1,356 જગ્યાઓની ભરતી પ્રક્રિયા 2019માં શરૂ થઈ હતી. જો કે, કોવિડ -19 મહામારીને કારણે, લેખિત પરીક્ષા લેવામાં આવી નથી. જ્યારે જમ્મુ-કાશ્મીરમાં રોગચાળાની સ્થિતિ સામાન્ય થશે ત્યારે આ પરીક્ષા લેવામાં આવશે."
