જમ્મુ કાશ્મીર: બારામુલામાં સેના અને આતંકીઓ વચ્ચે અથડામણ શરૂ

શ્રીનગર: જમ્મુ-કાશ્મીરના બારામુલા જિલ્લામાં આતંકીઓ અને સુરક્ષાદળો વચ્ચે અથડામણ શરૂ થઈ ગઈ છે. સેનાએ જે તે વિસ્તારના ઘરોનો ઘેરાવો કરીને સર્ચ ઓપરેશન શરૂ કરી દીધું છે. આ એન્કાઉન્ટર સોપોરના ગુંડ બ્રથ ગામમાં ચાલી રહ્યું છે.

મળતી વિગતો મુજબ, સેનાએ અહિં કેટલાયે આતંકીઓને નિશાના પર રાખ્યા છે. પરંતુ આ સમગ્ર ઘટનાની જાણકારી મળવાની હજુ બાકી છે.

સેનાને મળેલા ઈનપુટના વિસ્તારમાં આતંકીઓ છુપાયા હોવાની ખબરો મળી રહી છે. જાણકારી બાદ સેનાએ જે-તે વિસ્તારના ઘરોનો ઘેરાવો કરીને સર્ચ ઓપરેશન શરૂ કરી દીધું છે.