અફઘાનિસ્તાનના ગૃહમંત્રાલયના પ્રવક્તા તરફથી પ્રાપ્ત વિગતો મુજબ જોઈએ તો આ બ્લાસ્ટ શનિવારે મોડી રાતે થયો હતો. આ બ્લાસ્ટમાં મરનારા લોકોની સંખ્યામાં સતત વધારો થઈ રહ્યો છે.
પ્રાપ્ત વિગોત મુજબ જણાવી દઈએ તો આ બ્લાસ્ટ ત્યારે થયો હતો જ્યારે લગ્ન મંડપમાં લોકોની ભારે ભીડ જમા થઈ હતી. જ્યાં અચાનક બ્લાસ્ટ થતાં અફરાતફરીનો માહોલ સર્જાયો હતો. લોકો આમતેમ નાસભાગ કરવા લાગ્યા હતાં. જો કે, આ હુમલાની હજૂ સુધી કોઈ આતંકી સંગઠને જવાબદારી લીધી નથી.
આપને જણાવી દઈએ કે, 10 દિવસ પહેલા જ કાબૂલમાં બોમ્બ વિસ્ફોટ થયો હતો જેમાં 95થી પણ વધારે લોકોના મોત થયા હતા.
