બીજા કાર્યકાળના 100 દિવસ બાદ અનેક રીતે મોદી સરકાર પર સવાલો થઈ રહ્યાં છે. સરકાર દ્વારા અનેક સુધારાત્મક પગલાં લેવામાં આવ્યાં છે. અનેક ક્ષેત્રમાં સહાય પણ આપાઈ છે. ભાજપનો દાવો છે કે, આઝાદીના 75 વર્ષ પુરા થયાના પહેલા 2022 સુધી ભારતને એક મજબુત રાષ્ટ્ર બનાવવા અમારી સરકાર કામ કરી રહી છે.
મોદી 2.Oના 100 દિવસઃ દેશનું GDP છેલ્લાં 7 વર્ષમાં સૌથી નીચે, સત્તાધરી ભાજપનું શું કહેવું... આ અંગે ઈ ટીવી ભારતે ભાજપના રાષ્ટ્રીય પ્રવક્તા અને આર્થિક નિષ્ણાત ગોપાલ અગ્રવાલ સાથે ખાસ વાતચીત કરી હતી. ગોપાલ અગ્રવાલે જણાવ્યું કે, સરકાર અનેક મોટા નિર્ણયો લઈ રહી છે. જોકે, હાલ જીડીપી ગ્રોથ ઘટ્યો છે, પરંતુ પ્રાઇવેટ સેક્ટર નફામાં ચાલી રહ્યો છે. છેલ્લા 100 દિવસોમાં અનેક સ્ટાર્સઅપ્સ સરકારી સહાયથી ચાલી રહ્યાં છે. તેમણે વધુમાં કહ્યું કે, જ્યારે દેશના આર્થિક વિકાસની વાત કરવામાં આવે તો ભારત મોદી સરકારના કાર્યકાળમાં પાંચમા સ્થાને પહોંચી છે.
