આ પ્રંસગે ભાજપના કાર્યકારી અધ્યક્ષ જેપી નડ્ડા પણ અહીં ઉપસ્થિત રહ્યા હતા. તેમણે અહીં જણાવ્યું હતું કે, આ સંકલ્પ પત્ર સૌનો સાથ, સૌનો વિકાસ અને સૌનો સંકલ્પ પત્રની આત્મા સમાન છે.
ભાજપે જાહેર કર્યો મેનીફેસ્ટો
ભાજપના મેનીફેસ્ટોની મુખ્ય વાતો...
- આગામી 5 વર્ષમાં 1 કરોડ નોકરીઓનું નિર્માણ
- ખેડૂતોને દિવસમાં 12 કલાક વીજળી, સૌર ઊર્જા દ્વારા વીજળી ઉત્પન્ન કરવામાં આવશે.
- 2022 સુધીમાં દરેક ઘરે પીવાનું શુદ્ધ પાણી, પ્રાથમિક સુવિધાઓ માટે કેન્દ્ર સરકાર તરફથી 5 લાખ કરોડની સહાય.
- આગામી 5 વર્ષમાં મહારાષ્ટ્રને દુષ્કાળ મુક્ત કરાશે.
- પશ્ચિમ વિસ્તારમાં વહેતી નદીઓનું પાણી ગોદાવરીમાં લાવી મરાઠાવાડ અને ઉત્તર મહારાષ્ટ્રમાં પાણી પહોંચાડવામાં આવશે.
- મુખ્યમંત્રી ગ્રામ સડક યોજનાના માધ્યમથી તમામ વિસ્તારોને પાક્કા રસ્તા સાથે જોડવામાં આવશે.
- ગ્રામ સડક યોજના અંતર્ગત બીજા તબક્કામાં 30 હજાર કિમી ગ્રામ્ય સડકોનું નિર્માણ થશે.
- સમગ્ર મહારાષ્ટ્રમાં ઈન્ટરનેટની સુવિધા ઉપલબ્ધ કરાશે.
