નવી દિલ્હીઃ ઉત્તરપ્રદેશના ગાઝિયાબાદમાં પત્રકાર પર જીવલેણ હુમલો થયો હોવાની ઘટના સામે આવી છે. જેમાં આરોપીઓ બાઈક રોકીને તેના પર હુમલો કર્યો હતો. હાલ, આ મામલે ચુસ્ત તપાસના આદેશ કરાયા છે.
CCTV ફૂટેજમાં સ્પષ્ટ જોવા મળે છે કે, પત્રકારની સાથે તેની દીકરી છે. જે પોતાનો જીવ બચાવવા માટે બૂમો પાડી રહી છે. પણ આરોપી માનવતા નેવે મૂકીને તેમના પર સતત હુમલો કરતા રહે છે અને આખરે પત્રકાર પર ગોળી ચલાવે છે. જેમાં તેને માથાના ભાગે ગંભીર ઈજા પહોંચે છે.
ઘટના સંદર્ભે કોંગ્રેસ મહાસચિવ પ્રિયંકા ગાંધી વાડ્રાએ ઉત્તરપ્રદેશ સરકાર પર શાબ્દિક પ્રહાર કરતાં સુરક્ષા વ્યવસ્થા પર સવાલ ઉઠાવ્યાં હતા. તેમણે ટ્વીટ કરતાં કહ્યું હતું કે, 'ગાઝિયાબાદ NCRમાં છે. જો અહીં કાયદા વ્યવસ્થાની આવી કફોડી હાલત છે. તો તમે યૂપીના કાયદા વ્યવ્થાનો અંદાજો લાગવી શકો છો. કે, ત્યાં કેવી હાલત હશે. ' એક પત્રકારને એટલે ગોળી મારી કારણ કે, તેણે પોતાની ભત્રીજી સાથે થયેલી છેડતીની ફરિયાદ નોંધાવી હતી. આ UPએવો ગુંડારાજ ચાલી રહ્યો છે. જ્યાં સામાન્ય માણસનું જીવવું મુશ્કેલ બન્યું છે.
મળતી માહિતી પ્રમાણે, આરોપી નશીલા પદાર્શનો ધંધો કરે છે. જ્યારે પત્રકારે તેમના કાળા કામોની ફરિયાદ પોલીસ કરી, તો તેમણે પત્રકારને તેની દીકરીની સામે ગોળી મારી હત્યા કરી દીધી.
આ ઘટના અંગે પીડિત પત્રકારના પરિવારના લોકો જણાવી રહ્યાં છે કે, જે બેદરકાર પોલીસકર્મીઓ કારણે પત્રકારનું મોત થયું છે. તેમના વિરુદ્દ કડક કાર્યવાહી થવી જોઈએ. સાથે જ આરોપીઓ સામે પણ કાયદેસર કાર્યવાહી કરી સખ્ત સજા કરવાની માગ કરી છે. તો બીજી તરફ, મીડિયા સેન્ટર પર એકઠાં થયેલા પત્રકારોએ પણ DMને પત્રકારના પરિવારને આર્થિક મદદ આપવામાં રજૂઆત કરી હતી.
ઉલ્લેખનીય છે કે, આરોપીઓએ પોલીસ સામે પોતાનો ગુનો કબૂલ્યો હતો. પોલીસે જણાવ્યું હતું કે, ઘણા સમયથી પત્રકાર સાથે ઝઘડો ચાલી રહ્યો છે. આ પહેલા પણ તેમની સાથે અનેકવાર ઝઘડો થઈ ચૂક્યો હતો. એવામાં પત્રકાર પોતાની ભત્રીજીની સાથે થયેલી છેડતીની ફરિયાદ નોંધાવી હતી.
પત્રકારની હાલત ગંભીર
પત્રકારની હાલત નાજુક હોવાની માહિતી સામે આવી રહી છે, તેને માથામાં ગંભીર ઈજા થઈ છે. હાલમાં તેની સારવાર ICUમાં ચાલી રહી છે. પત્રકારોએ આ મામલે ભારે રોષ વ્યક્ત કર્યો છે. ગાઝિયાબાદ મીડિયા એસોસિએશન આ મામલે ડીએમને નિવેદન રજૂ કરશે. એવું કહેવામાં આવી રહ્યું છે કે, પત્રકારે પહેલાથી જ તેના પર જીવલેણ હુમલો થવાની સંભાવના વ્યક્ત કરી હતી, પરંતુ પોલીસે ધ્યાન આપ્યું ન હતું. જેના કારણે પત્રકાર પર આ જીવલેમ હુમલો થયો છે. CCTVમાં સ્પષ્ટપણે પણ બતાવવામાં આવ્યું છે કે બદમાશો કોઈથી ડરતા નથી.
