કાનપુર: કાનપુરના બિકરૂ ગામમાં નાયબ એસપી સહિત 8 પોલીસની હત્યાનો એક વીડિયો સામે આવ્યો છે. આ વીડિયોમાં 2 જૂલાઇના રાત્રે થયેલી અથડામણમાં વિકાસ દુબે અને તેના સાગરીતોએ પોલીસ પર કેટલી હદે ફાયરિંગ કર્યુ હશે તે દેખાઇ રહ્યું છે. પકડવા ગયેલી પોલીસ પર વિકાસ દુબે અને તેના સાગરીતોએ ફાયરિંગ કર્યુ હતું. વીડિયોમાં દેખાઇ રહ્યું છે કે, વિકાસ દુબે અને તેના સાગરીતોએ પોલીસ કર્મીઓ પર કેવી રીતે હુમલો કર્યો હશે.
આ વીડિયો જે સામે આવ્યો છે તેમાં શિવરાજપુર પોલીસ સ્ટેશનના અધિકારીને ગોળી માર્યા બાદ પલંગ પર રાખી દીધેલી હાલતમાં દેખાઇ છે. વીડિયોમાં અધિકારીના કપાળ પર અને બંને પગમાં ગોળી લાગેલી દેખાઇ રહી છે. ઉલ્લેખનીય છે કે, આ પહેલા આ ઘટનાનો એક ઓડિયો સામે આવ્યો હતો. ઓડિયોમાં વિકાસ દુબે અને તેના સાગરીતોની હેવાનીયત સામે આવી હતી. 2 જુલાઇના રાત્રે થયેલી અથડામણમાં નાયબ એસપી સહિત 8 પોલીસ કર્મચારીઓની ફાયરિંગમાં હત્યા કરવામાં આવી હતી.
