સશસ્ત્ર સેના તથા અર્ધસૈનિક દળને 132 એવોર્ડની જાહેરાત

નવી દિલ્હી: ભારતના રાષ્ટ્રપતિ રામનાથ કોવિંદે સશસ્ત્ર સેનાઓ તથા અર્ધસૈનિક દળના જવાનોને 132 પુરસ્કારની જાહેરાત કરી છે. આપને જણાવી દઈએ કે, રાષ્ટ્રપિત સશસ્ત્ર સેનાઓના સર્વોચ્ચ કમાંડર હોય છે. આ પુરસ્કારમાં 2 કીર્તિ ચક્ર, 1 વીર ચક્ર, 14 શૌર્ય ચક્ર, 8 શૌર્ય મેડલ, 9 સેના મેડલ, 5 નૌ સેના મેડલ, 7 વાયુ સેના મેડલ તથા 5 યુદ્ધ સેના મેડલ સામેલ છે.

રક્ષા પ્રધાન રાજનાથ સિંહે સેનાના અધિકારીઓને જુદા જુદા ઓપરેશનમાં તેમના મહત્વપૂર્ણ યોગદાન માટે 4 મેન્શન ઈન ડિસપૈચ પણ જાહેર કર્યું છે. જેમાંથી ઓપરેશન અનંતનાગ ટાઉનમાં 1 મરણોપરાંત સામેલ છે.

તદ્ઉપરાંત રાષ્ટ્રપતિ કોવિંદે ભારતીય તટરક્ષક દળના અધિકારીઓ તથા તેમના ઉત્કૃષ્ટ શૌર્ય તથા વિશિષ્ટ સરાહનીય સેવા માટે 1 રાષ્ટ્રપતિ તટરક્ષક મેડલ, 5 તટરક્ષક મેડલ-શૌર્ય અને 2 તટરક્ષક મેડલની પણ જાહેરાત કરી છે. ભારતીય તટરક્ષક દળને 26 જાન્યુઆરી 1990થી આ પુરસ્કાર મળતા આવે છે.દર વર્ષે સ્વતંત્રતા દિવસ તથા ગણતંત્ર દિવસના અવસરે સન્માનિત કરવામાં આવે છે.