જમ્મુ કાશ્મીરમાં ધારા 370 હટાવતી વખતે ગૃહપ્રધાન અમિત શાહના મનમાં જે વિચારો આવતા હતા તે અંગેની આજે તેમણે પહેલી પ્રતિક્રિયા આપી છે. તેમણે આ અંગે કહ્યું હતું કે, બિલ રજૂ કરતે વખતે મનમાં ડર હતો. જમ્મુ કાશ્મીરમાં 370 હટાવવાને લઈ કોઈ ડર નહોતો, પણ જ્યારે આ બિલ રાજ્યસભામાં રજૂ થશે ત્યાર બાદ સદન ચાલશે કેવી રીતે આ વાતને લઈ મનમાં ગડમથલ ચાલતી હતી.
અમિત શાહે અહીં જણાવ્યું હતું કે, રાજ્યસભામાં અમારી પાસે પૂર્ણ બહુમત નથી, તેમ છતાં અમે નક્કી કર્યું હતું કે, પહેલા રાજ્યસભામાં બિલ લઈને જઈશું, ત્યાર બાદ લોકસભામાં જઈશું.
અમિત શાહે વધુમાં જણાવ્યું હતું કે, સાંસદ હોવાના નાતે મને પૂર્ણ વિશ્વાસ હતો કે, આર્ટિકલ 370 જમ્મુ કાશ્મીરમાંથી બહુ પહેલા હટી જવુ જોઈતુ હતું. ગૃહ પ્રધાન હોવાના નાતે મારા મગજમાં કોઈ એવો ભ્રમ નહોતો કે, 370 હટાવતી વખતે તેના શું સંભવિત પરિણામ આવશે. હવે કાશ્મીરમાં આતંકવાદ સમાપ્ત થઈ જશે તથા કાશ્મીર વિકાસ તરફ ગતિ કરશે.
