અહીં અમિત શાહે જણાવ્યું હતું કે, બંગાળ અને કલમ 370થી ઘણા સમય પહેલા જોઈએ તો શ્યામા પ્રસાદ મુખર્જીએ બંગાળમાંથી બહાર નીકળતા પહેલા જ તેની વિરુદ્ધ હાકલ મારી હતી. તેમણે 370ને હટાવવા માટે જ જીવ આપી દીધો હતો. આ પ્રદેશમાંથી શ્યામાપ્રસાદ મુખર્જીએ નારો આપ્યો હતો કે, એક દેશમાં બે પ્રધાન, બે વિધાન અને બે સંવિધાન નહીં ચાલે. ભારત માતાના આ મહાન સપૂતની ધરપકડ કરી રહસ્યમય રીતે તેમને મોતને ઘાટ ઉતારી દેવામાં આવ્યા હતા.
શાહે વધુમાં જણાવ્યું હતું કે, ભાજપની સરકાર બની અને અમે એક જ ઝાટકે 370ની કલમ ઉખાડીને ફેંકી દીધી. 73 વર્ષ બાદ બંગાળમાં અમને 18 સીટ મળી અને વડાપ્રધાન મોદીએ 370 અને 35એ સંસદના પ્રથમ સત્રમાં જ તેને ખતમ કરી નાખી હતી.
અમિત શાહે બંગાળમાં એનઆરસીને લઈ લોકોને સંબોધન કર્યું હતું. NRC પર યોજાયેલા આ સેમીનારમાં શાહે મહત્ત્વપૂર્ણ માહિતી આપી હતી.
અમિત શાહ અનેક વાર દેશમાં NRC લાગુ કરવાની વાત કહી ચૂક્યા છે, જો કે મમતા બેનર્જીએ બંગાળમાં તેને લાગુ કરવાનો વિરોધ કરી રહ્યા છે.
