દિલ્હી વિધાનસભા ચૂંટણી 2020 માટે મતદાન ચાલી રહ્યું હતું, ત્યારે કોંગ્રેસ ઉમેદવાર અલકા લાંબાએ AAPના કાર્યકર્તાને તમાચો મારવાનો પ્રયત્ન કર્યો હતો. જેનાથી માહોલ ગરમાયો હતો. જેમાં અલકા લાંબાએ કાર્યકર્તા વિરૂદ્ધ પોલીસમાં ફરિયાદ નોંધાવાની ધમકી પણ આપી હતી.
મળતી માહિતી પ્રમાણે, કોંગ્રેસ ઉમેદવાર અલકા લાંબા ચાંદની ચોક નજીક ટીલા વિસ્તારના પોલિંગ બૂથની વ્યવસ્થા જોવા માટે પહોંચ્યા હતાં, ત્યારે આમ આદમી પાર્ટીના કાર્યકર્તાએ અલકા લાંબા સાથે અભદ્ર ટીપ્પણી કરી હતી. જેના કરાણે બંને વચ્ચે બબાલ થઈ હતી અને અલકાએ AAPના કાર્યકર્તાને તમાચો મારવાનો પ્રયત્ન કર્યો હતો.
નોંધનીય છે કે, દિલ્હી વિધાનસભા ચૂંટણી-2020 માટે આજે મતદાન શરૂ થઈ ગયું છે. કુલ 70 બેઠક માટે 672 ઉમેદવાર મેદાનમાં છે. અગાઉ વર્ષ 2015માં દિલ્હી વિધાનસભા ચૂંટણી યોજાઈ હતી. આમ આદમી પાર્ટી (AAP)એ 70 પૈકી 67 બેઠક પર જીત મેળવી રાજકીય પંડિતોને ચોકાવી દીધા હતા. ભાજપને ફક્ત 3 બેઠક જ મળી હતી.
