નવી દિલ્હી: એર ઈન્ડિયાનું બીજુ ખાસ વિમાન ચીનના વુહાન એરપોર્ટથી રવિવારે સવારે દિલ્હીના ઈન્દિરા ગાંધી અંતરરાષ્ટ્રીય એરપોર્ટ પહોંચ્યું હતું. કોરોના વાયરસના ખતરાને જોતા સવારે 7.30 વાગ્યે આ વિમાનમાં 323 ભારતીયોને અને 7 માલદીવ નાગરિકોને પરત લાવવામાં આવ્યા છે.આજે એર ઈન્ડિયાનું બીજુ વિમાન દિલ્હી પહોચ્યું હતું. જેમાં 323 ભારતીયો સહિત 7 માલદીવ નાગરિકોને દિલ્હી લવાયા છે. મહત્વનું છે કે, આ રહેલા શનિવારના રોજ એર ઇન્ડિયાનું એક સ્પશેલ વિમાન ચીનથી ભારતીય નાગરિકોને લઈ દિલ્હી એરપોર્ટ પર આવ્યું હતું.
વુહાન, હુબેઈની પ્રાંતીય રાજધાની છે. અહીં કોરોના વાયરસનું સૌથી વધારે સંક્રમણ જોવા મળી રહ્યું છે. ચીનમાં અત્યાર સુધીમાં કોરોના વાયરસના કારણે 300થી પણ વધુ લોકોના મોત થયા છે. ચીનના વુહાનથી દેશમાં પરત ફરેલા ભારતીયો માટે સેનાએ તૈયારીઓ કરી છે. ભારતીયોને લેવા માટે એર ઈન્ડિયાનું વિમાન વુહાનમાં શુક્રવારે સાંજે 7 વાગ્યે લેન્ડ થયું હતું. ઉલ્લેખનીય છે કે, કોરોના વાયરસને વર્લ્ડ હેલ્થ ઑર્ગેનાઈઝેશન (WHO)એ વૈશ્વિક મહામારી જાહેર કરી છે.
દિલ્હીમાં ઈન્ડો-તિબેટ બોર્ડર પોલીસના જવાનોએ બેડની હોસ્પિટલ તૈયાર કરી રાખી છે. કોઈ સંજોગોમાં વાયરસ ફેલાય તો તેને પહોંચી વળવાની બધી સુવિધા અહીં છે. ત્યાં ડૉક્ટર પણ ખડે પગે રખાયા છે. સૌ પ્રથમ મુસાફરોની એરપોર્ટ પર તપાસ કરવામાં આવશે બાદમાં તેમને માનેસર સ્થિત કેન્દ્રમાં લઈ જવામાં આવશે. જો કોઈને કોરોના વાયરસની અસર જોવા મળશે તો તેને દિલ્હી કૈંટ સ્થિત હોસ્પિટલમાં બનેલા એક અલગ વોર્ડમાં શિફ્ટ કરવામાં આવશે.
