દુમકા: જિલ્લાના મસલીયા પોલીસ સ્ટેશન વિસ્તારના રાણીઘર ગામના ગ્રાહક સેવા કેન્દ્રમાં પેન્શન લેવા આવેલી 65 વર્ષીય વૃદ્ધ મહિલાનું મોત નીપજ્યું હતું. મૃતકનું નામ કોલોની તુડુ હતું. તે મસલીયા પોલીસ સ્ટેશનના કેશોરાયડીહ ગામની રહેવાસી હતી.
મળતી માહિતી મુજબ, આ મહિલા વૃદ્ધ પેન્શન અને જન ધન ખાતાની રકમ ઉપાડવા માટે લાઇનમાં ઉભી હતી. જેની સાથે બીજા ઘણા લોકો લાઇનમાં રાહ જોતા હતા. ગ્રાહક સેવા કેન્દ્રની લાંબી લાઈનમાં વુદ્ધા ઉભી રહી ન શકી, જેથી તેનું મોત થયું.
આ વુદ્ધા લાઈનમાં જ પડી ગઈ, ત્યાં ઉભેલા એક ચોકીદારે મહિલાને પાણી પીવડાવવાની કોશિશ કરી અને તેના મોં પર પાણી છાંટ્યું પણ થોડા સમય પછી મહિલાનું મોત થયું. ગ્રાહક સેવા કેન્દ્રનો સંચાલક દુકાનનું શટર બંધ ,કરી ફરાર થઈ ગયો હતો.
