શ્રીનગરઃ સમગ્ર દેશમાં કોરોનાનો કહેર વધતો જાય છે. કોવિડ 19ને લીધે દિન પ્રતિદિન અનેક લોકો મોતને ભેટી રહ્યાં છે. જમ્મુ-કાશ્મીરના કુલગામ જિલ્લામાં તૈનાત 28 સેન્ટ્રલ રિઝર્વ પોલીસ ફોર્સ (સીઆરપીએફ) ના જવાનો કોરોનાનો શિકાર થયા છે.
અધિકારીઓએ જણાવ્યું હતું કે, જમ્મુ-કાશ્મીરના કુલગામ જિલ્લામાં તૈનાત 28 સેન્ટ્રલ રિઝર્વ પોલીસ ફોર્સ (સીઆરપીએફ) ના જવાનોનો બુધવારે કોરોના વાઈરસનો રિપોર્ટ પોઝિટિવ આવ્યો છે. તેમણે જણાવ્યું હતું કે, 6 જૂને એક 44 વર્ષીય કોરોનાગ્રસ્ત કોન્સ્ટેબલના મોત બાદ જવાનોને ચેપ લાગ્યો હતો.
કોન્સ્ટેબલના સંપર્કમાં આવેલા 75 જવાનોના સેમ્પલ લેવામાં આવ્યાં હતાં. જેમાંથી 28 જવાનોના કોરોના વાઈરસના રિપોર્ટ પોઝિટિવ આવ્યાં છે. આ તમામ જવાનોને સારવાર માટે અલગ રાખવામાં આવ્યાં છે.
અત્યાર સુધીમાં કુલ 516 જવાનો કોરોનાગ્રસ્ત થયા છે, જ્યારે 353 જવાનોએ સાજા થઈ કોરોનાને માત આપી છે.
