બરેલી, ઉત્તરપ્રદેશ : યુપીમાં મહિલાઓ વિરુદ્ધ અપરાધના મામલા દિવસેને દિવસે વધી રહ્યા છે. યુપીના બરેલી જિલ્લામાં એક નવો મામલો સામે આવ્યો છે, જ્યાં એક વ્યક્તિએ એક યુવતીને ખૂબ હેરાન કરી હતી. તેની છેડતીથી કંટાળીને યુવતીએ શાળાએ જવાનું બંધ કરી દીધું (Mental Harassment With Girl) છે. આ મામલે વિદ્યાર્થીના પરિવારજનોએ સોમવારે મીરગંજ પોલીસ સ્ટેશનના સીઓને ફરિયાદ નોંધાવી (Mental torture student) છે. ફરિયાદના આધારે પોલીસે આરોપીઓ સામે શાંતિ ભંગની કલમ (Breach of Peace Clause) હેઠળ ગુનો નોંધ્યો છે.
સોશિયલ મીડિયામાં ફોટો શેર : રહીયા નાગલા ગામમાં વિદ્યાર્થીનીની છેડતીની ઘટના બની છે. ગામની યુવતી સ્થાનિક ઇન્ટર કોલેજના 10મા ધોરણમાં અભ્યાસ કરે છે. મીરગંજ પોલીસને આપેલી ફરિયાદ મુજબ ગામમાં રહેતો એક યુવક શાળાએ જતી વખતે છોકરીની સતત છેડતી કરી રહ્યો હતો. આરોપી એક મહિનાથી તેને હેરાન કરતો હતો, જ્યારે યુવતીએ નારાજ થઈને સ્કૂલ જવાનું બંધ કરી દીધું તો આરોપી યુવકે તેની તસવીરો ફેસબુક અને વોટ્સએપ પર પોસ્ટ કરવાનું શરૂ કરી દીધું હતું.
માતા પિતાએ ફરિયાદ નોંધાવી : આરોપીના આ કૃત્યથી પરેશાન થઈને સોમવારે યુવતીના માતા-પિતાએ મીરગંજ પોલીસ સ્ટેશનમાં ફરિયાદ કરી હતી. સીઓ રાજકુમાર મિશ્રાના જણાવ્યા અનુસાર, ફરિયાદના આધારે પોલીસે શાંતિ ભંગ બદલ આરોપીઓનું ચલણ કર્યું અને મામલો બંધ કરી દીધો હતો. યુવતીના પરિવારજનોનો આરોપ છે કે, પોલીસે આરોપીઓ સામે કડક કાર્યવાહી કરી નથી. શાંતિ ભંગની કલમ 151 હેઠળ ચલણને કારણે FIR નોંધવામાં આવી ન હતી. આરોપી હજુ પણ યુવતીને હેરાન કરી રહ્યો છે, જ્યારે આ મામલે તેમનો જવાબ મેળવવા સીઓ રાજકુમાર મિશ્રાનો સંપર્ક કરવામાં આવ્યો તો તેમણે વાત કરવાનો ઇનકાર કર્યો હતો. Cause depression in students
