પ્રસાગરાજઃ ઉમેશપાલ હત્યાકેસનો આરોપી માફિયા અતિક અહેમદ તથા એનો ભાઈ અશરફની કોલવીન હોસ્પિટલની બહાર ગોળી મારીને હત્યા કરી દેવામાં આવી હતી. હત્યા કરનારા મીડિયાકર્મીના વેશમાં આવેલા હતા. ત્રણેય આરોપીઓને પોલીસે ઘટનાસ્થળેથી પકડી પાડ્યા છે. આ ત્રણેય આરોપીઓની ઓળખ થઈ ચૂકી છે. જેના નામ લવલેશ તિવારી, અરૂણ મૌર્ય અને સની તરીકે થઈ છે.
આ પણ વાંચોઃ Atiq-Ashraf Shot Dead: અતીક અહેમદ અને તેના ભાઈ અશરફની ગોળી મારીને હત્યા
પાંચ દિવસના રીમાન્ડઃ પકડાયેલા ત્રણેય આરોપીઓના પાંચ દિવસના રીમાન્ડ મંજૂર કરાયા હતા. બંનેને પાંચ દિવસના રિમાન્ડ પર અહીં લાવવામાં આવ્યા હતા. ચાર પોલીસકર્મીઓ અત્યાધુનિક રાઈફલો સાથે બંનેની આગળ ચાલી રહ્યા હતા. ઘણા મીડિયાકર્મીઓ તેમની સાથે માઈક લઈને ચાલી રહ્યા હતા. બ્લેક ટી-શર્ટ પહેરેલો અશરફ તેના ભાઈ અતીકની જમણી તરફ હતો. અતીકે સફેદ કુર્તો પહેર્યો હતો અને માથા પર સફેદ ગમછો બાંધ્યો હતો. ખરેખર, પોલીસ માફિયા અતીક અને અશરફને રૂટીન મેડિકલ ચેકઅપ માટે પ્રયાગરાજની કોલવિન હોસ્પિટલમાં લઈ ગઈ હતી.
ગુડ્ડ અંગે રહસ્યઃ જ્યારે બંને પોલીસ વેનમાંથી નીચે ઉતર્યા ત્યારે મીડિયાના લોકોએ તેમને ઘેરી લીધા અને અસદ અને ગુડ્ડુ મુસ્લિમ વિશે પ્રશ્નો પૂછવા લાગ્યા. અસદના અંતિમ સંસ્કારમાં ન જવા અંગે પૂછવામાં આવેલા સવાલ પર અતીકે કહ્યું કે, 'જો અમને ન લઈ જવામાં આવ્યા તો અમને લેવામાં ન આવ્યા.' આ પછી અશરફ ગુડ્ડુ મુસ્લિમ પર કંઈક કહેવા માંગતો હતો, પરંતુ તેના મોઢામાંથી 'મૈં બાત યે હૈ કી ગુડ્ડુ મુસ્લિમ' નીકળતાં જ તમામ મીડિયાકર્મીઓના લાઈવ કેમેરામાંથી નીકળેલી બંદૂકથી અતીકને માથામાં ગોળી વાગી હતી. ગોળી વાગતાની સાથે જ અતીક નીચે પડી ગયો હતો. ત્યારબાદ અશરફને પણ સતત અંધાધૂંધ ગોળી મારી દેવામાં આવી હતી.
આ પણ વાંચોઃ Atiq Ahmed Murder: મીડિયાકર્મીના વેશમાં આવ્યા હતા અતિક-અશરફને મારવા, નામ જાહેર કરાયા
સરેન્ડર કરી દીધુઃ લાઈવ ટેલિકાસ્ટ વચ્ચે કોઈને કંઈ સમજાય ત્યાં સુધીમાં બંને ભાઈઓ જમીન પર ઢળી પડ્યા હતા. કેમેરામાં જય શ્રી રામના નારા સંભળાતા હતા. દરમિયાન, જ્યારે કેમેરામેન તેના હોશમાં આવ્યા ત્યારે તેણે જોયું કે હુમલાખોરો પોલીસને શરણે થયા છે. હુમલામાં એક જવાનને પણ હાથમાં ગોળી વાગી હતી. અતીક અહેમદ અને તેના ભાઈ અશરફને તાત્કાલિક સ્વરૂપાણી નેહરુ હોસ્પિટલમાં લઈ જવામાં આવ્યા, જ્યાં ડૉક્ટરોએ બંનેને મૃત જાહેર કર્યા.
બાઈક પર આવેલાઃ થોડા સમય માટે કોઈને ખાતરી નહોતી કે શું થયું. થોડીક સેકન્ડો સુધી સ્વસ્થ થયા પછી ખબર પડી કે આ ત્રણેય હુમલાખોરો મીડિયા પર્સન બનીને ત્યાં બાઇક પર આવ્યા હતા અને તક મળતાં જ પોતાનું કામ કરી ગયા. ઘટનાની માહિતી મળતા જ રાજ્યનો સમગ્ર વહીવટી સ્ટાફ સક્રિય થઈ ગયો હતો. મુખ્યમંત્રીએ ઉચ્ચ સ્તરીય બેઠક બાદ તપાસ ટીમની રચના કરી છે. ત્રણ સભ્યોનું ન્યાયિક પંચ આ મામલાની તપાસ કરશે.
