મુંબઈ: શહેરના કેટલાક પ્રખ્યાત (Famous Places of Mumbai) સ્થળોમાંથી એક, હાજી અલી દરગાહ (Haji Ali Dargah) હાલમાં દરગાહ પ્રશાસન (Haji Ali Dargah Administration) દ્વારા લેવામાં આવેલા નિર્ણયને કારણે સમાચારમાં છે. પીર બાબાના દર્શન (Darshan of Pir Baba) કરવા માટે દરરોજ લાખો હિન્દુ મુસ્લિમ શ્રદ્ધાળુઓ હાજી અલી દરગાહની મુલાકાત લે છે. કેટલાક લોકો ચાદર ચઢાવે છે, જ્યારે અન્ય લોકો ત્યાં દાન પેટીમાં ફૂલોનીશાલ અથવા અન્ય વસ્તુઓ અર્પણ કરે છે. પરંતુ, હવે દરગાહ પ્રશાસને શાલ અને ફૂલ દાન પેટીમાં આવી વસ્તુઓ આપવા પર પ્રતિબંધ મૂક્યો છે.
ભક્તો સાથે છેતરપિંડી: આ અંગે માહિતી આપતા હાજી અલી દરગાહના એડમિનિસ્ટ્રેશન ટ્રસ્ટી સોહેલ ખંડવાણીએ (Sohail Khandwani, Trustee of Haji Ali Dargah) જણાવ્યું કે, અમે ભક્તોને દાનપેટીમાં શાલ, ફૂલ અને ગિફ્ટ નાખવાની મનાઈ કરી રહ્યા છીએ. અમે હાલમાં તેમને દાનપેટીમાં પૈસા મૂકવાની અપીલ કરી રહ્યા છીએ. કારણ કે, ઘણા ભક્તો સાથે છેતરપિંડી કરવામાં આવે છે કારણ કે, વાસી ફૂલો અને હલકી કક્ષાની શાલ મોંઘા ભાવે વેચાય છે. અમે ઇચ્છીએ છીએ કે, લોકો આ વસ્તુઓ પર તેમના નાણાંનો બગાડ ન કરે, પરંતુ દરગાહની કલ્યાણકારી પ્રવૃત્તિઓ અને યોજનાઓને સમર્થન આપવા માટે પૈસા દાન કરે.
દરગાહની કલ્યાણકારી યોજનાઓ: ખંડવાણીએ વધુમાં જણાવ્યું હતું કે, દરગાહમાં વિવિધ કલ્યાણકારી યોજનાઓ લાગુ કરવામાં આવે છે. હાલમાં, તે વ્યાપક નવીનીકરણ હેઠળ છે. આ કામ માટે ટ્રસ્ટને પણ પૈસાની જરૂર છે. તેથી, જો ભક્તો દાનપેટીમાં પૈસા દાન કરે તો તે નાણાંનો ઉપયોગ યોગ્ય સ્થળોએ લોક કલ્યાણના કાર્યો માટે થઈ શકે છે. પરંતુ, જો તે જ લોકો શાલ, ફૂલ અથવા ભેટ આપે છે, તો તે બહાર ઊંચા ભાવે વેચાય છે. ભક્તો માટે આ ઘણું મોટું નુકસાન છે. તેથી, જો તમે પીર બાબાના દર્શન માટે માહિમ દરગાહ જઈ રહ્યા છો, તો ત્યાં દાનપેટીમાં ફૂલ અને શાલ મૂકવાની ભૂલ ન કરો.
