નવી દિલ્હીઃ રાજધાની દિલ્હીમાં હવે ત્રણ નહીં પરંતુ એક મેયર હશે. ત્રણેય મ્યુનિસિપલ કોર્પોરેશનને મર્જ કરવામાં (all municipal corporation of delhi merge) આવશે. દિલ્હીની ત્રણ મ્યુનિસિપલ કોર્પોરેશનને એક કરવા માટેનું બિલ પણ કેન્દ્રીય કેબિનેટ દ્વારા પસાર કરવામાં આવ્યું છે. સંસદના વર્તમાન સત્રમાં આ અંગેનું બિલ પણ લાવવામાં આવશે.
આ પણ વાંચો: નોઈડામાં દોડતા યુવકની માતાને કેજરીવાલ સરકાર આપશે સારવાર, સેનામાં ભરતીની ટ્રેનિંગ પણ આપશે
ભાજપને આ નિર્ણયથી ફાયદો: દિલ્હી મ્યુનિસિપલ કોર્પોરેશનની ચૂંટણી પણ યોજાવાની હતી, જેને ચૂંટણી પંચે હાલ પુરતું મોકૂફ કરી દીધું હતું. માનવામાં આવી રહ્યું છે કે, આ નિર્ણય પર ભાજપ અને આમ આદમી પાર્ટી વચ્ચે ચોક્કસપણે મુકાબલો થશે. આ સમયે દિલ્હીની ત્રણેય મ્યુનિસિપલ કોર્પોરેશન પર ભાજપનો કબજો હતો. કોર્પોરેશનની ચૂંટણી જીતવા માટે આમ આદમી પાર્ટીએ લાંબા સમયથી તૈયારી કરી હતી. એવું પણ માનવામાં આવતું હતું કે, આ વખતે કોર્પોરેશનની ચૂંટણીમાં AAP મજબૂત સ્થિતિમાં છે. આવી સ્થિતિમાં ભાજપને આ નિર્ણયથી ફાયદો થવાની આશા છે.
આ પણ વાંચો: અખિલેશ યાદવ અને આઝમ ખાને એક અણધાર્યો નિર્ણય લીધો, આપ્યું રાજીનામું
આમ આદમી પાર્ટી દ્વારા સતત વિરોધ: તાજેતરમાં રાજ્ય ચૂંટણી પંચે દિલ્હીમાં કોર્પોરેશનની ચૂંટણીની તારીખો જાહેર કરવા માટે પ્રેસ કોન્ફરન્સ બોલાવી હતી, પરંતુ છેલ્લી ઘડીએ ચૂંટણીની તારીખ જાહેર કરવામાં આવી ન હતી. જે બાદ આમ આદમી પાર્ટીએ રાજ્ય ચૂંટણી પંચ પર આરોપ લગાવ્યો કે, ભાજપના દબાણમાં તારીખની જાહેરાત કરવામાં આવી નથી. આ પછી, આમ આદમી પાર્ટી દ્વારા સતત વિરોધ કરવામાં આવી રહ્યો છે. આમ આદમી પાર્ટીના કાર્યકરોએ પણ જગ્યાએ જગ્યાએ પોસ્ટર લઈને વિરોધ કર્યો હતો. આ પોસ્ટરમાં લખવામાં આવ્યું છે કે 'ભાજપની હારના ડરથી ભાજપે MCD ચૂંટણી રદ કરી છે'.
