ચંદીગઢ: થોડા સમય પહેલા ગેંગસ્ટર દવિન્દર બંબીહા ગેંગની (Gangster Davinder Bambiha Gang) એક સોશિયલ મીડિયા પોસ્ટ સામે આવી હતી, જેમાં ગેંગે વોટ્સએપ નંબર જારી કરીને યુવાનોને ગેંગમાં જોડાવા આમંત્રણ આપ્યું હતું. તે જ સમયે, કેટલાક મીડિયા અહેવાલો અનુસાર, ગેંગસ્ટર ગોલ્ડી બ્રારે (Goldy Brar Gang) દવિંદર બંબીહા ગેંગથી એક પગલું આગળ વધીને યુવાનને સીધો ફોન કર્યો છે. મીડિયા સૂત્રોના જણાવ્યા અનુસાર ગેંગસ્ટર ગોલ્ડી બ્રાર 18 થી 19 વર્ષની વયના યુવકોનો સંપર્ક કરી રહ્યો છે.
દુનિયામાં ચમકવાનો મોકો: દરમિયાન તે યુવાનોને ગુનાની દુનિયામાં ચમકવાનો મોકો આપી રહ્યો છે. મીડિયા સૂત્રોના જણાવ્યા અનુસાર ગોલ્ડી બ્રાર ગેંગ દિલ્હી, હરિયાણા, રાજસ્થાન અને પંજાબના યુવાનોનો સંપર્ક કરવાનો પ્રયાસ કરી રહી છે. જણાવી દઈએ કે પંજાબી સિંગર સિદ્ધુ મુસેવાલા મર્ડર કેસના (Sidhu Musewala Murder Case) સૌથી નાના આરોપી અંકિત સેરસાને પણ ગોલ્ડી બ્રારે તેની ગેંગમાં સામેલ કર્યો હતો. અંકિત સેરસાની પોલીસે ધરપકડ કરી લીધી છે. થોડા દિવસો પહેલા ગેંગસ્ટર દવિન્દર બંબિહા ગેંગની સોશિયલ મીડિયા પોસ્ટ(Social media post of Davinder Bambiha gang) સામે આવી હતી. જેમાં કહેવામાં આવ્યું હતું કે, તમામ ભાઈઓને નમસ્કાર! સૌ પ્રથમ સત શ્રી અકાલ! અમારા ગ્રૂપમાં જોડાવા માંગતા મારા ભાઈઓ વોટ્સએપ મેસેજ મોકલો. આ પોસ્ટ સાથે એક વોટ્સએપ નંબર પણ શેર કરવામાં આવ્યો હતો.
કોણ હતો દવિન્દર બંબિહાઃ 2016માં ભટિંડા પોલીસે રામપુરા ફૂલ વિસ્તારમાં ગેંગસ્ટર દવિન્દર બંબિહા સાથે એન્કાઉન્ટર કર્યું હતું. પોલીસ સાથેના એન્કાઉન્ટરમાં માર્યો ગયેલો દવિન્દર બંબીહા શરૂઆતથી જ શાર્પ શૂટર તરીકે જાણીતો હતો. આ ગેંગસ્ટર 17 મહિનાથી પોલીસ કસ્ટડીમાંથી ફરાર હતો અને ફેસબુક પર પોસ્ટ લખીને દુશ્મનોને મારી નાખવાની ધમકી આપતો હતો. કુખ્યાત શૂટર દવિન્દર સિંહ બંબિહા અને તેનો સાથી સર્વજીત સિંહ ઉર્ફે શરાણી, પંજાબ સહિત ગુજરાત અને મહારાષ્ટ્રની પોલીસને વોન્ટેડ હતા. તેમની સામે કાકા ભત્રીજાની હત્યા, સહિત અનેક કેસ નોંધાયા હતા. 14 સપ્ટેમ્બર 2013ના રોજ ડબલ મર્ડર કેસમાં, ફરીદકોટમાં પ્રોડક્શન દરમિયાન બંને આરોપીઓ પોલીસને ચકમો આપીને નાસી છૂટ્યા હતા.
