- હૈદરાબાદ એરપોર્ટ ઓપરેટર GMRને મળી ફી વધારવાની મંજૂરી
- યુઝર ડેવપમેન્ટ ફીમાં આગામી વર્ષની 1 એપ્રિલથી થશે વધારો
- એરપોર્ટ્સ ઇકોનોમિક રેગ્યુલેટરી ઓથોરિટીએ આપી મંજૂરી
હૈદરાબાદ: એરપોર્ટ્સ ઇકોનોમિક રેગ્યુલેટરી ઓથોરિટીએ જીએમઆર હૈદરાબાદ ઇન્ટરનેશનલ એરપોર્ટને ( GMR Hyderabad International Airport) ફી વધારવાની મંજૂરી આપી છે જે અહીં રાજીવ ગાંધી આંતરરાષ્ટ્રીય એરપોર્ટનું સંચાલન કરે છે. 1 એપ્રિલ, 2022થી ઘરેલુ તેમ જ આંતરરાષ્ટ્રીય પ્રવાસીઓને ઉતરવા પર વપરાશકર્તા વિકાસ ફીમાં ક્રમશઃ વધારો કરશે.
આ રીતે વધશે ચાર્જ
GHIAL ના પ્રસ્તાવના આધારે ત્રીજા નિયંત્રણ સમયગાળા (એપ્રિલ 2021 થી 26 માર્ચ) માટે ટેરિફ પુનરાવર્તનના ક્રમમાં, AERA એ આદેશો જારી કર્યા છે, જે તાજેતરમાં તેની વેબસાઇટ પર અપલોડ કરવામાં આવ્યાં હતાં. નિયમનકારના આદેશ મુજબ એરપોર્ટ ઓપરેટરને 1 એપ્રિલ, 2022 થી સ્થાનિક અને આંતરરાષ્ટ્રીય પ્રવાસીઓ માટે અનુક્રમે 281 રૂપિયાથી વધારીને 480 રૂપિયા અને 393 રૂપિયાથી વધારીને 700 રૂપિયા કરવાની મંજૂરી આપવામાં આવી હતી. તેમ જ 31 ડિસેમ્બર, 2025 સુધીમાં ઘરેલુ માટે રૂ. 750 અને આંતરરાષ્ટ્રીય પ્રવાસીઓ માટે રૂ.1500 સુધીનો ચાર્જ વધારી દેવામાં આવશે.
AERA ફી ઘટાડાનો માર્ગ પણ રાખ્યો છે
જોકે નિયંત્રણ સમયગાળાના છેલ્લા ત્રણ મહિના માટે સ્થાનિક અને આંતરરાષ્ટ્રીય પ્રવાસીઓ માટે શુલ્ક રૂ.500 અને રૂ.1,000 સુધી ઘટાડવામાં આવશે. AERA તેના આદેશમાં જણાવ્યું છે કે "ઓથોરિટી વપરાશકર્તા વિકાસ ફીના રૂપમાં ટેરિફમાં વધારો અને વધારાના શુલ્ક માટે સંમત થયાં છે પરંતુ ઉડ્ડયન ક્ષેત્રમાં પુનઃપ્રાપ્તિ અને કોવિડ -19 રોગચાળામાંથી અર્થતંત્રના પુનરુત્થાનને કારણે અનુગામી નિયંત્રણ અવધિ ઓછી મૂડી જરૂરિયાતો અને મોટા પ્રવાસીઓના આધારના સંદર્ભમાં વધુ સારી રહેશે."
એરપોર્ટ ઓપરેટરે 1 ઓક્ટોબરથી વધારો માગ્યો હતો
અનુગામી નિયંત્રણ સમયગાળા માટે ટેરિફ દર નીચા રહેવાની ધારણા છે. આ જોતાં ઓથોરિટીએ નાણાકીય વર્ષ 2026ના ત્રીજા નિયંત્રણ સમયગાળાના અંતિમ વર્ષના છેલ્લા ત્રિમાસિક ગાળામાં ટેરિફ દરોમાં ઘટાડો કર્યો છે, જે ચોથા નિયંત્રણ સમયગાળા માટે ટેરિફ નિર્ધારણ સુધી પણ ચાલુ રહી શકે છે. એરપોર્ટ દ્વારા 1 ઓક્ટોબરથી વપરાશકર્તા વિકાસ ફી 281 રૂપિયાથી વધારીને 608 રૂપિયા કરવાની માગણી કરવામાં આવી હતી, જે ઘરેલુ પ્રવાસીઓ માટે 116 ટકાનો વધારો હતો. એ જ રીતે એરપોર્ટ ઓપરેટરે આંતરરાષ્ટ્રીય પ્રવાસીઓ પર 231 ટકાનો વધારો હાલની રૂ.393થી વધારી રૂ.1300 કરવાની માગ કરી હતી.
2025-26 ના અંત સુધીમાં થશે UDF વધારો
GHIAL ત્રીજા નિયંત્રણ સમયગાળા દરમિયાન સ્થાનિક અને આંતરરાષ્ટ્રીય પ્રવાસીઓ માટે અનુક્રમે 2025-26 ના અંત સુધીમાં અનુક્રમે UDF ને રૂ.728 અને રૂ.2,200 સુધી વધારવાનો પ્રસ્તાવ મૂક્યો છે. વધુ અને ચોક્કસ વિગતોના અભાવને કારણે ત્રીજા નિયંત્રણ સમયગાળા દરમિયાન મેટ્રો કનેક્ટિવિટી માટે રૂ. 519 કરોડના મૂડીખર્ચને મંજૂરી ન આપવાનો ઓથોરિટીએ નિર્ણય કર્યો છે. GMR groupએ અગાઉ કહ્યું હતું કે તે તેલંગણા સરકાર દ્વારા શહેરના વિવિધ વિસ્તારોમાંથી એરોડ્રોમ સાથે જોડાણ માટે પ્રસ્તાવિત રૂ.5,000 કરોડના મેટ્રો રેલ લિંક પ્રોજેક્ટમાં રોકાણ કરશે.
આ પણ વાંચોઃ હૈદરાબાદ એરપોર્ટ પરથી પ્રવાસી પાસેથી 91 લાખ રૂપિયાનું સોનું જપ્ત કરાયું
આ પણ વાંચોઃ TATA GROUP બન્યું AIR INDIA નું નવું માલિક
