- બાગોરિયાના ઢાણીમાં શનિવારે મોટી કરુણ ઘટના સર્જાઈ
- ટેકરા પર રમતા ત્રણ બાળકોના મોત નીપજતાં ગમભર્યુ વાતાવરણ
- 4 બાળકો પૈકી એક બાળકનો આબાદ બચાવ કરવામાં આવ્યો
ઝુંઝુનુ (રાજસ્થાન): બાગોરિયાના ઢાણીમાં શનિવારે ગ્રામ પંચાયતના નવોડી કોઠી વિસ્તારમાં મોટો અકસ્માત સર્જાયો હતો. અહીં ટેકરા પર રમતા ત્રણ બાળકોના મોત નીપજતાં ગમભર્યુ વાતાવરણ થઈ ગયું હતું. તેમજ 1 બાળકની હાલત નાજુક હોવાનું જણાવાયું છે. મળતી માહિતી મુજબ, તોડાપુરા અને બાગોરિયાના ઢાણીના 4 બાળકો ટેકરાની નીચે ટનલ હાઉસ બનાવીને રમતા હતા. અચાનક જ માટી ધસી પડતા ચારેય બાળકો દંટાઈ ગયા હતા. તે જ સમયે, એક ઇજાગ્રસ્ત બાળકને જયપુર હૉસ્પીટલમાં ખસેડાયો હતો,ઝૂંઝનું પોલીસ અધિક્ષક મનીષ ત્રિપાઠીએ, પહેલા આ ઘટનાની જાણ સીકરની કલ્યાણ હોસ્પિટલમાં કરી હતી અને ત્યારબાદ, મોડી રાત્રે ઘટના સ્થળે પહોંચ્યા હતા.
આ પણ વાંચો: કચ્છ જિલ્લાના ખાવડા વિસ્તારમાં માટી નીચે ડટાઇ જવાથી 3 બાળકોના મોત
આ ઘટનામાં ચારેય બાળકો દંટાયા
બાગોરિયાના ઢાણીમાં, ઘરથી થોડે દૂર નવોડી કોઠીના 4 બાળકો ટેકરાની નીચે જ એક ટનલ બનાવીને રમતા હતા. જ્યારે, એક બાળક તેમને દૂરથી જોઈ રહ્યું હતું. બાળકોએ ટેકરાની નીચે આશરે 5-6 ફુટ ટનલ બનાવી હતી. તે દરમિયાન ટેકરાનો અમુક ભાગ પડ્યો હતો અને આ ઘટનામાં ચારેય બાળકો દંટાયા હતા. ત્યારે, દૂર ઉભેલા એક બાળકે તેના પરિવારના સભ્યોને જાણ કરી હતી. બાળકોના પરિવારના સભ્યો અને ઢાણીના રહેવાસીઓ ત્યાં ભેગા થયા હતા. માટીમાં દટાયેલા બાળકોને કાઢવામાં આવ્યા હતા.
આ પણ વાંચો: વાવાઝોડા અને વરસાદથી મકાન ધરાશાયી, 2 માસૂમના મોત, 4 ગંભીર
