તમિલનાડુમાં ઓક્સિજનની અછતના કારણે 11 દર્દીઓના મૃત્યુ

ઓક્સિજનની અછત દેશના જુદા-જુદા ભાગોમાં મોતનું કારણ બની રહ્યું છે. તામિલનાડુ, આંધ્રપ્રદેશ અને કર્ણાટકથી ખરાબ સમાચાર આવ્યા છે. જ્યાં ઓક્સિજનના અભાવે દર્દીઓએ પોતાનો જીવ ગુમાવ્યો છે.

• તમિલનાડુના ચેંગલપટ્ટુની એક હોસ્પિટલમાં આશરે 11 દર્દીઓનું મોત
• દરરોજ લગભગ 1500 નવા કેસ દાખલ કરવામાં આવે
• ચાર કોરોના દર્દીઓએ ચાર કલાકમાં જ પોતાનો જીવ ગુમાવ્યો

તમિલનાડુ : કોરોના દેશના જુદા-જુદા ભાગોમાં પાયમાલી લગાવી રહ્યો છે અને ઓક્સિજનની અછતને કારણે ઘણા ખરાબ સમાચાર સામે આવી રહ્યા છે. મંગળવારે રાત્રે તમિલનાડુના ચેંગલપટ્ટુની એક હોસ્પિટલમાં આશરે 11 દર્દીઓનું મોત થયું હતું. પરિવારે આક્ષેપ કર્યો છે કે, આ તમામ મૃત્યુ ઓક્સિજનના અભાવને કારણે થયા છે. ચેંગલપટ્ટુ તામિલનાડુમાં ચેન્નઈ નજીક એક જિલ્લો છે. જ્યાં કોરોના દ્વારા કહેર સર્જાય છે અને દરરોજ લગભગ 1500 નવા કેસ દાખલ કરવામાં આવે છે.

સરકારી હોસ્પિટલમાં કોરોના દર્દીઓની સંખ્યા વધી રહી

જિલ્લાની સરકારી હોસ્પિટલમાં કોરોના દર્દીઓની સંખ્યા વધી રહી છે. અહીં લગભગ 500 કોરોનાના દર્દીઓ દાખલ થયા છે. જેમાં ઓક્સિજનની માંગ પણ વધવા માંડી છે. મંગળવારે ચાર કોરોના દર્દીઓએ ચાર કલાકમાં જ પોતાનો જીવ ગુમાવ્યો હતો. જે બાદ પરિવારે ઓક્સિજનના અભાવનો આરોપ લગાવ્યો હતો.

મોત કેવી રીતે થયું તેની તપાસ હાથ ધરવામાં આવી

ઘટના પછી જિલ્લાના અધિકારીઓ પણ હોસ્પિટલમાં પહોંચ્યા હતા. ટૂંક સમયમાં ઓક્સિજન ટેન્કર પણ આવી પહોંચ્યું હતું. અધિકારીઓનું કહેવું છે કે, મોત કેવી રીતે થયું તેની તપાસ હાથ ધરવામાં આવી છે. આમાં, કોરોનાના કેટલા દર્દીઓ મૃત્યુ પામ્યા છે તેની તપાસ પણ કરવામાં આવશે. જોકે, ઓક્સિજનનો અભાવને નકારી કાઢવામાંં આવી છે.

આંધ્રપ્રદેશમાં પણ ઓક્સિજનના અભાવને કારણે અકસ્માત

તમિલનાડુ ઉપરાંત આંધ્રપ્રદેશમાં પણ ઓક્સિજનના અભાવને કારણે અકસ્માત થયો છે. અહીં અનંતપુરની એક હોસ્પિટલમાં ચાર દર્દીઓએ જીવ ગુમાવ્યો હતો. ત્યારપછી ઓક્સિજનનો અભાવ હોવાનો કિસ્સો પ્રકાશમાં આવ્યો છે. સોમવારે રાત્રે અહીંની કેન્સરની હોસ્પિટલમાં ઓક્સિજનની અચાનક અછત સર્જાઈ હતી. જેના કારણે ચાર દર્દીઓનાં મોત થયા હતાં. એક અઠવાડિયામાં અનંતપુરની આ ત્રીજી ઘટના છે. જ્યારે ઓક્સિજનનો અભાવ એ મૃત્યુનું કારણ બની ગયું છે.

કર્ણાટકના હુબલીમાં પાંચ દર્દીઓનાં મોત થયા

કર્ણાટકના હુબલીમાં મંગળવારે ઓક્સિજનની અછતને કારણે મોત થયાનો બનાવ સામે આવ્યો છે. અહીંની એક હોસ્પિટલમાં, પાંચ કોરોના દર્દીઓ ઓક્સિજનના અભાવને કારણે મૃત્યુ પામ્યા હતા. જેમાંથી બે મહિલાઓ હતી. પરિવારજનોએ આક્ષેપ કર્યો છે કે, ઓક્સિજનના અભાવને કારણે જનજીવન ખોવાઈ ગયું છે, જ્યારે જિલ્લાના આરોગ્ય અધિકારીનું કહેવું છે કે, યોગ્ય રીતે ઓક્સિજનનો પૂરવઠો ચાલી રહ્યો છે.